«Ես ստիպված էի փախչել». Քիմ Քարդաշյանը չգիտի՝ ինքնամեկուսացման ընթացքում ինչով զբաղեցնել երեխաներին. NBC
11:28 1 ապրիլի, 2020Քիմ Քարդաշյանը տնային կարանտինում է գտնվում։ Չորս երեխաների մոր համար այնքան էլ հեշտ չէ, ինչի մասին նա պատմել է Ջիմի Ֆելոնի նոր շոուուի ընթացքում։ Կորոնավիրուսի հետ կապված իրավիճակի պատճառով նա իր հարցազրույցներն անցկացնում է տեսազանգի միջոցով։
Քիմի խոսքով՝ շոուի համար իր դիմահարդարումն արել է քույրը՝ Քայլին, իսկ Ջիմիի հետ լռության պայմաններում խոսելու համար նա փախել է մայրիկի տուն։ «Ես դուրս եմ եկել իմ առանձնատնից եւ հիմա գտնվում եմ մայրիկիս տան սենյակներից մեկում։ Ես ստիպված էի փախչել երեխաներիցս…»,- խոսոտավնել է Քիմը՝ նշելով, որ արդեն չգիտի՝ ինչով զբաղեցբեկ չորս երեխաներին։ Բացի այդ՝ ավագ երեխաներն այժմ տնային կրթություն են ստանում, այդ պատճառով նրա համար սարսափելի մղձավանջ է դառնում նրանց հետ դասերով զբաղվել եւ զուգահեռաբար ժամանակ հատկացնել փոքրիկներին։
«Մենք սլայմից պատրաստել ենք հնարավոր ամեն բան…. Հիմա գարնանային արձակուրդներ են, բայց մենք շարունակում ենք սովորել։ Չորս երեխայի համար ուսուցիչ լինելը խենթություն է։ Հիմա ես թաքնվում եմ նրանցից»,- խոստովանել է «Քարդաշյանների ընտանիք» իրապատում-շոուի աստղը։
Սեյնթը, Չիկագոն եւ Պսալմը հաճախ են խաղում տան բակում։ Աստղային մայրիկը պատմել է, որ նրանք խաղում են, վազում, յոգոյով զբաղվում, ընդ որում՝ դրա տարբեր մատուցումներով։ «Մենք յոգա ենք ունենում պոկեմոնների կամ արքայադուստրերի ոճով… Գժանոց»,- նշել է Քիմը։
Իսկ ինչո՞վ է զբաղված Քանյեն։ Կարանտինի ընթացքում նա հետաքրքրված է օտար լեզուներով ֆիլմերով եւ գիշերները կինո է նայում։
Աղբյուրը եւ լուսանկարները՝ Instagram, NBC, PageSix, Daily Mail