Լեդի Գագան հայտարարել է Առողջապահության համաշխարհային կազմակերպության հետ «One World: Together At Home» բարեգործական օնլայն համերգի անցկացման մասին։ Դրան մասնակցելու համար երգչուհին հրավիրել է իր երաժիշտ գործընկերներին, որոնց թվում են Էլթոն Ջոնը, Բիլի Այլիշը, Lizzo-ը, Քրիս Մարտինը, Փոլ Մաքքարթնին, Սթիվ Ուանդերը, Ջոն Լեջենդը եւ այլ կատարողներ։
«Բոլորս անհանգստանում ենք ամբողջ երկրում բուժաշխատողների համար, որոնք անձնազոհաբար օգնում են պայքարել կորոնավիրուսի այս սարսափելի համավարակի դեմ։ Ես շատ շնորհակալ եմ նրանց եւ աղոթում եմ բոլոր հիվանդների համար»,- հայտնել է երգչուհին։ Գագան հավելել է, որ համերգի նպատակն ամբողջ աշխպարհի բուժաշխատողներին շնորհակալություն հայտնելն է եւ ոչ թե գումար հավաքելը։
Ուղիղ հեռարձակումը կարելի է դիտել ապրիլի 18-ին ABC, NBC, CBS եւ միջազգային այլ հեռուստաալիքներով։
Աղբյուրը՝ Blueprint
Լուսանկարները՝ Getty Images