«Երաժշտություն է հարկավոր մահանալու համար». կյանքից հեռացել է ռեփեր Chynna-ն

11:03   10 ապրիլի, 2020

25 տարեկան հասակում մահացել է ամերիկացի ռեփ երգչուհի եւ մոդել Չինա Ռոջերսը, որն առավել հայտնի է Chynna անունով։ The New York Times-ի տեղեկություններով՝ նա կյանից հեռացել է չորեքշաբթի՝ ապրիլի 8-ին հայրենի Ֆիլադելֆիայում։ Այս պահին ողբերգության պաշտոնական պատճառը չի հաղորդվում։ Սակայն որոշ լրատվամիջոցներ պնդում են, որ նա մահացել է թմրամիջոցների գերդոզավորման արդյունքում։

Տեղի ունեցածից կարճ ժամանակ անց Chynna-ի ընտանիքը հանդես է եկել հայտարարությամբ, որում նշել է, որ Ռոջերսը շատ սիրված էր։ Նրա մտերիմների խոսքով՝ իրենք կկարոտեն նրան։

Մահվանից մեկ օր առաջ ռեփերը սոցիալական ցանցերում տեսահոլովակ էր հրապարակել, որում նշում է, որ իր կարծիքով՝ «մեր կյանքում չափազանց շատ են սաունդթեքերը»։ «Ինձ երաժշտություն է հարկավոր մահանալու համար»,- խոսոտովանել էր նա։

Աղբյուրը՝ Gazeta.ru

Լուսանկարները՝ Instagram



© NEWS.am STYLE