Քիմ Քարդաշյանի ոճի էվոլյուցիան NEWS.am STYLE-ից
22:19 13 օգոստոսի, 2013Քիմ Քարդաշյանի ռեփփեր Ray J- ի հետ նկարահանված սկանդալային տեսահոլովակից հետո այս հայկական ծագումով “Քարդաշյաններ” ընտանիքի PR մեքենան ողջ ուժով սկսեց աշխատել: 2007 թվականից Քիմի մայրն անում էր ամեն հնարավորն ու անհնարինը, որպեսզի նրա սիրելի աղջիկը հայտնվի հեռուստատեսությանը:
Իր հեռուստատեսային “կարիերային” առաջին տարիներին Քիմը լուրջ խնդիրներ էր ունենում ոճի եւ կերպարի ընտրության հարցում: Հանրահայտ ոճաբանները ոչ մի կերպ չէին կարողանում որեւէ էլեգանտ հագուստ ընտրել շքեղ մարմնամասերով Քիմի համար:
Վերջնականապես հիասթափվելով “ինտելեկտուալ հեռուստահաղորդավարուհու” ոճից՝ Քիմի նախկին ոճաբանը նրան առաջարկեց հագնվել այնպես, ինչպես ինքն է ցանկանում: Աղջկան դուր եկավ այդ գաղափարը:
Այնուամենայնիվ, այս որոշումից հետո նորաձեւության ամսագրերից շատերը հրաժարվեցին նորություններ հրապարակել Քարդաշյանների մասին: Սակայն նույնիսկ այդ հանգամանքը չի խանգարել երիտասարդ մայրիկին հայտնվել բուլվարային լրատվամիջոցների առաջին էջերին, եթերային ժամանակ ստանալ եւ հայտարարել իր մասին ողջ աշխարհին:
NEWS.am STYLE-ը առաջարկում է ուսումնասիրել գովազդված Քիմ Քարդաշյանի ոճի էվոլյուցիան եւ մտորել, թե արդյոք աղջիկը սովորել է ճաշակով հագնվել:
