Շպագատ՝ խոհանոցային սեղանին․ Շվարցենեգերը կատակել է հետեւորդների հետ (վիդեո)
10:03 9 մայիսի, 2020Դերասան Առնոլդ Շվարցենեգերը կատակների մեծ սիրահար է։ Մարտ ամսին արտիստը տեսանյութ էր հրապարակել, որտեղ նա մի ափսեից ուտում էր ավանակ Լուլուի եւ պոնի Վիսկիի հետ։ Ավելի ուշ նա նաեւ ցույց տվեց, թե ինչպես է Լուլուի հետ խաղում շախմատ։
Հերթական տեսանյութը շպագատի մասին է։ Զվարճալի հոլովակը Կալիֆոռնիայի նախկին նահանգապետը հրապարակել է իր Instagram-ում։
Եվ դա ոչ միայն շպագատ է, այլ խոհանոցային սեղանին, իսկ բերանում՝ սիգար: Շվարցենեգերը ցույց է տալիս ճկունությունը բարելավելու վարժություններ։ Դրանց ավարտից հետո նա հեռանում է՝ ոտքերը թողնելով սեղանին:
«Ճկունությունը նույնքան կարեւոր է, որքան ուժային մարզումները», - հրապարակմանը կից գրել է նա։
COVID-19-ի տարածման պատճառով Շվարցենեգերը հետեւորդներին խնդրում է մնալ տանը եւ պարբերաբար պատմում է այն մասին, թե ինչպես է ընթանում նրա մեկուսացումը: