Կաննի կինոփառատոնը 2020թ.-ին տեղի չի ունենա, Variety-ին հայտնել է կազմակերպչական կոմիտեի ներկայացուցիչը։ Կորոնավիրուսի համավարակի պատճառով արտակարգ դրության ռեժիմը Ֆրանսիայում երկարացրել են նվազագույնը մինչեւ հուլիսի 10-ը։
Այդ պատճառով պարբերականի զրուցակցի խոսքով՝ նույնիսկ աշնանը փառատոնն անցկացնելը չափազանց բարդ կլինի։ Կազմակերպիչներն ի սկզբանե հրաժարվել են Կաննի կինոփառատոնը վիրտուալ անցկացնել։
Ընդ որում, մրցույթի համար ընտրված ֆիլմերը կցուցադրվեն այլ փառատոնների ընթացքում, այդ թվում Վենետիկում։ Կինոժապավենների ցանկը կհրապարակվի հունիսի կսզբին, գրում է Meduza-ն։
Կորոնավիրուսի համավարակի պատճառով ի սկզբանե ծրագրված օրերից (մայիսի 12-23) Կաննի կինոփառատոնի հետաձգման մասին հայտնի է դարձել դեռ մարտ ամսին։ Այդ ժամանակ կազմակերպիչները ծրագրում էին այն սովորական ձեւաչափով անցկացնել արդեն հունիսի վերջին։