Քեյթ Բլանշեթը նշում է 51-ամյակը. դերասանուհու մասնակցությամբ 5 ֆիլմ, որոնք կհետաքրքրացնեն ձեր ժամանցը
20:35 14 մայիսի, 2020Ավստրալական ծագում ունեցող հոլիվուդյան դերասանուհի Քեյթ Բլանշեթն այսօր՝ մայիսի 14-ին, նշում է ծննդյան 51-ամյակը:
Դերասանուհին հաջողության է հասել մի շարք հայտնի ֆիլմերի շնորհիվ, որոնցից են՝ «Մատանիների տիրակալը», «Ավիատոր», «Սկանդալային օրագիրը», «Ժասմին», «Քերոլ» եւ այլն:
Իր դերասանական կարիերայի ընթացքում Բլանշեթը նկարահանվել է ավելի, քան 40 ժապավեններում, խաղացել մոտ 20 ներկայացումներում: Դերասանուհին նվաճել է ոլորտի ամենահեղինակավոր մրցանակները. երկու անգամ արժանացել է «Օսկարի», երեքական BAFTA եւ «Ոսկե գլուբուս» մրցանակների:
Արտասովոր արտաքինի շնորհիվ Բլանշեթին հաջողվում է կերտել ամենատարբեր կերպարները ու միշտ լինել յուրահատուկ ու հետաքրքիր:
Առանձնացրել ենք դերասանուհու մասնակցությամբ 5 ֆիլմ, որոնց շնորհիվ կարող եք հեքիաթային, ֆանտաստիկ կամ էլ դրամատիկ դարձնել ձեր ժամանցը:
«Բենջամին Բաթոնի առեղծվածային պատմությունը»/The Curious Case of Benjamin Button
«Էլիզաբեթ»/Elizabeth
«Ինդիանա Ջոնսն ու բյուրեղյա գանգի թագավորությունը»/Indiana Jones And The Kingdom Of The Crystal Skull
«Մոխրոտը»/Cinderella
«Օուշենի 8 ընկերուհիները»/Ocean’s 8
Լուսանկարը՝ Steven Chee