Ամենավրեժխնդիր Կենդանակերպի նշանները

23:12   17 մայիսի, 2020

Կարիճ

Ամենավրեժխնդիրը նշանը, իհարկե, Կարիճն է: Եթե վիրավորեք նրան կամ կանգնեք ճանապարհին, անմիջապես այլ քաղաք տեղափոխվեք, հեռացեք բոլոր սոցցանցերից, փոխեք ձեր անունն ու թիկնապահ վարձեք: Կատաղած Կարիճն ամենամահաբեր մարդն է ամբողջ աշխարհում:

Ձկներ

Հանդարտ ու զգայուն Ձկները կարող են ամենաանմեղը թվալ, բայց զգուշացեք, քանի որ նրանք բացառիկ խոցելի են: Ձկներն իսկապես կարող են շատ երկար համբերել ու ներել, բայց եթե անցնեք բոլոր սահմանները, դատապարտված կլինեք: Ձկներն անվերջ թշնամանք կտածեն ձեր հանդեպ: Մի օր կարող եք արթնանալ եւ հասկանալ, որ պատճառը, որ չունեք փող, աշխատանք, ընկերներ եւ նույնիսկ շուն, Ձկներին հասցրած վաղեմի վիրավորանքն է:

Ցուլ

Ցուլերը նույնպես յուրօրինակ համբավ ունեն, որը կարող է մարդկանց ստիպել նյարդայնանալ: Ո՞ւմ չի վախեցնի հարձակվող կատաղած ցուլը: Իսկ հիմա պատկերացրեք, որ Ցուլին զայրացրել եք այն աստիճան, որ նա երազում է ձեզ դժբախտացնել: Նա ձեզ կտանջի այնքան ժամանակ, մինչեւ որոշի ներել:

Կույս

Կույսը, հավանաբար, ամենապակաս վրեժխնդիրն է այս ցանկում, բայց նա կարող է ձեր կյանքը մղձավանջի վերածել, չնայած սկզբում կարող եք նույնիսկ չհասկանալ՝ ինչն է նրա զայրույթի պատճառը: Կույսի վրեժխնդրությունն արտահայտվում է պասիվ-ագրեսիվ մեկնաբանություններով եւ գործողություններով: Երբեմն նրա հետ շփման ժամանակ մաշկով կզգաք, թե ինչպես է նրա կողմից ձեր հանդեպ բացասական ալիք բարձրանում:

 

Աղբյուրը՝ Flytothesky.ru



© NEWS.am STYLE