Մանուկյանն արդարացել է Բուզովայի թանկարժեք թեւնոցների համար Հայրենական մեծ պատերազմի մասին տեսահոլովակում

Հայտնի երգիչ, բլոգեր Դավա Մանուկյանը՝ Օլգա Բուզովայի սիրելին, պատասխանել է «Журавли» տեսահոլովակի քննադատությանը, որը նա ու հաղորդավարուհին նկարահանել ու թողարկել են Հաղթանակի օրվա առիթով։ Սակայն հետեւորդները քննադատել են «Դոմ 2»-ի աստղի արտաքինը, որը տեսախցիկի առաջ հայտնվել է դիմահարդարմամբ ու Cartier-ի՝ մի քանի մլն ռուբլի արժողությամբ ոսկե թեւնոցներով։ «Այս տեսանյութը մեծ գումարներ արժե, սակայն ծիծաղելի է ստացվել»,- նշել է գրող Սերգեյ Մինաեւը։

Մանուկյանը պնդում է, որ չի ցանկացել բարձր գեղարվեստական նախագիծ ստեղծել, եւ հոլովակը պատրաստելը համեմատար էժան է եղել։ «Ես 50 հազար ռուբլի եմ ծախսել։ Մենք որոշակի տեղանքներ չենք գնացել, մեր տան մոտ այգի կա։ Մենք պարզապես գնացել ենք այնտեղ։ Ռեժիսորին 10 հազար եմ վճարել, նա ամեն ինչ նկարել է լավ տեսախցիկով։ Ես մեգակինո նկարահանելու նպատակ չեմ ունենցել։ Ես դա արել եմ իմ հաճույքի համար»,- ասում է երգիչը։

Աստղի խոսքով՝ տեսահոլովակ նկարահանելու գաղափարն ինքնաբերաբար է առաջացել, եւ ամբողջ պատրաստությունն ընդամենը մի քանի ժամ է տեւել։ Բացի այդ՝ արտիստը չի ձգտել հետեւել պատմական փաստերին։ «Որտեղի՞ց գիտեք՝ ինչպես է եղել պատերազմի ընթացքում։ Եթե այդպես վերցնենք, ինչ-որ նվազագույն դիմահարդարում եւս եղել է։ Ես չեմ սիրում, երբ սկսում են մանրախնդրություն անել։ Եթե մենք բյուջետային գումարով նկարահանեինք, այլ բան է, իսկ եթե զուտ քեզ համար… Եթե դուր չի գալիս, մի նայեք»,- ի պատասխան Բուզովային ուղղված քննադատության հայտնել է նա։

Մանուկյանը նաեւ պարզաբանել է, թե ինչու է Բուզովան ամեն դեպքում ներկայացել լյուքս դասի աքսեսուարներով։ «Նկարահանումից առաջ ես նրան ասել եմ. «Օլյա, հանիր թեւնոցները»։ Բայց նա դրանք հենց այնպես չի հանում։ Կա հատուկ բանալի, բայց այն այլ բնակարանում էր։ Մենք զարդերը հանելու հնարավորություն պարզապես չենք ունեցել, մենք չենք հասցրել»,- պարզաբանել է աստղի ընկերը։