«Քեզ ջնջում եմ իմ կյանքից». որդու մասին հոդվածի հետ կապված սկանդալից հետո Ռուդկովսկայան դիմել է Մալախովի կնոջը

Մայիսի սկզբին սկանդալ էր բռնկվել Յանա Ռուդկովսկայայի եւ Starhit պարբերականի միջեւ, որտեղ հոդված էր հայտնվել այն մասին, որ գեղասահքի կրկնակի օլիմպիական չեմպիոն Եվգենի Պլյուշչենկոյի եւ պրոդյուսերի որդին, իբր, տառապում է աուտիստական սպեկտրի խանգարմամբ: Պարբերականի այս տեղեկությունը հաստատել է անանուն Telegram ալիքը։ Պարբերականը պատկանում է Անդրեյ Մալախովի կնոջը՝ Նատալյա Շկուլեւային։

Ռուդկովսկայան որոշել է հստակություն մտցնել եւ պատմել սկանդալի մասին:

«StarHit-ի հետ կապված իրավիճակը կարանտինի ժամանակ ցինիկության գագաթնակետն է։  Անչափահաս երեխայի հանդեպ զրպարտութան եւ այլանդակության գագաթնակետն է։ Մայիսի 2-ն էր, կիրակի։ Ես պառկած են անկողնում ու ինձ գրում է «Մոսկովսկի կոմսոմոլեցի» խմբագիրը․ «Ինձ շատ անհարմար եմ զգում, բայց ինչպես կմեկնաբանեք դա»։ Եվ ինձ է ուղարկում հոդվածը։ Ես սկսում եմ կարդալ, որ ինչ-ոչ անհայտ Telegram-ալիք գրել է այն մասին, որ Սաշան ունի հոգեկան հիվանդություն, սառած հայացք»։

Պրոդյուսերին ամենից շատ զարմացրել է, որ Շկուլեւան այնքան սառնասրտորեն եւ անտարբեր է վերաբերվել փոքրիկ տղային, որը ոչ մի բանի համար մեղավոր չէ: Նրա խոսքով՝ այդպես են վարվել իր ընկերները, որոնք եղել են իր տանը։

«Նրանք նույնպես երեխա ունեն։ Կրկին Սաշա, նա նույնպես տղա է: Իսկ եթե նրա մասին այդպես գրեին։ Իսկ եթե ինչ-որ անհայտ դեֆեկտոլոգ նրան նման ախտորոշում տար։ Իսկ եթե նա դուրս գար փողոց ու նրան ասեին․ «Դու հիվանդ ես։ Հեռու գնա մեզնից»։ Իսկ եթե ձեր Սաշան մոտենար ձեզ եւ հարցներ. «Մայրիկ, իսկ ի՞նչ հիվանդություն ունեմ ես։ Ինչու՞ ինձ ոչինչ չեք ասում: Ինչպիսի՞ արձագանք կլիներ։ Գուցե դուք ուզում եք տեսնել իմ արցունքները ... խնդրեմ, դրանք անկեղծ են: Ես պարզապես իմ կյանքից ջնջում եմ մի մարդու, ով չարձագանքեց», - արցունքներն աչքերին հուզականորեն արտահայտվել է Յանան։