Ելենա Վորոբեյը վարակվել է կորոնավիրուսով
11:01 1 հունիսի, 2020Ռուսաստանի վաստակավոր արտիստ Ելենա Վորոբեյը վարակվել է կորոնավիրուսով։ Այս մասին նա հայտնել է Instagram-ում։
View this post on Instagram
«Այս մասին իմացել եմ երեք օր առաջ… չէի համարձակվում անմիջապես հրապարակում անել, իսկ մեղավորն իմ հիմար վախերն էին։ Նախ՝ չգիտեի՝ ինչպես սա կընդունի հայրս, նա չափազանց զգացմունքային մարդ է»,- նշել է Վորոբեյը՝ հավելելով, որ վարակը, հնարավոր է, բոլորին հոգնեցրել է «սրտխառնոցի աստիճանի»։ Դերսանուին նշել է, որ վիճակը վատացել է երկրորդ օրը. մեջքի հատվածում ցավեր են եղել, իսկ մկանային ցավերի պատ0առով հնարավոր չէր քնել։ Նա հավելել է, որ այսօր իրեն ավելի լավ է զգում, սակայն վիճակն, ակնհայտորեն, կայուն չէ։
«Հիմա պետք է համակարգչային տոմոգրաֆիա անցնեմ՝ պարզելու համար՝ արդյոք պեւմոնիա առկա է»,- հավելել է Վորոբեյլը։ Նա երկրպագուներին խորհուրդ է տվել շատ ջուր խմել, ինքնազգացողության հետ էքսպերիմենտներ չանել եւ դրա վատցաման դեպքում անմիջապես հիվանդանոց դիմել։