Դիզայներ, Off-White-ի հիմնադիր եւ Louis Vuitton-ի տղամարդկանց հավաքածուների ստեղծագործական տնօրեն Վիրջիլ Աբլոն սկանդալի կենտրոնում է հայտնվել այն պատճառով, որ ընդամենը 50 դոլար է նվիրաբերել «Fempower» կազմակերպությանը ռասիզմի դեմ պայքարի համար։
«Մայամիի համայնք, ես չափազանց ոգեշնշված եմ…»,- գրել է Աբլոն՝ հրապարակելով Black Lives Matter ռասիզմի դեմ պայքարի նպատակներով նվիրաբերված գումարի անդորրագիրը։
«Վիրջիլը 50 դոլար է նվիրաբերել ու հավանություն է ցանկանում։ Նրա ապրանքանիշի ամենաէժան ապրանքը գուլպաներն են, որոնք վաճառվում են 115 դոլարով։ Սա ձախողում է»,- Twitter-ում գրում են դիզայների հետեւորդները։
Վիրջիլ Աբլոն արդեն իսկ պարզաբանել է, որ 50 դոլարը նվիրաբերել է ընկերական ակցիայի շրջանակներում, իսկ իրականում արդեն իսկ 20,500 դոլար է վճարել բողոքների ակցիաների ձերբակալված մասնակիցների համար գրավի եւ #BlackLivesMatter շարժման գործունեությանն աջակցելու այլ վճարումների տեսքով։ Մոդելյերը խոստովանել է, որ հետագայում եւս գումար կհատկացնի ռասիզմի դեմ պայքարին եւ ամեն կերպ կմասնակցի ԱՄՆ-ում աֆրոամերիկացիների կողմից իրենց իրավունքների պաշտպանությանը։
Լուսանկարը՝ Getty Images