Chanel նորաձեւության տունը վիրտուալ ձեւոչափով՝ սոցիալական ցանցերում, ներկայացրել է իր առաջին հավաքածուն սկսած կորոնավիրուսի համավարակի պատճառով սահմանափակումներ մտցնելուց, հայտնում է France Info-ն։
Կարանտինի ընթացքում բոլոր ցուցադրությունները չեղարկվել են։ Արդյունքում Chanel-ի կրուիզային «Զբոսանք Միջերկրական ծովում» հավաքածուի ցուցադրությունը տեղի է ունեցել օնլայն։ Այն պետք է անցկացվեր մայիսի 7-ին Կապրիում։
View this post on Instagram
«Ցուցադրության չեղարկումը լրջորեն չի ազդել հավաքածուի վրա, ես կուզենայի, որ այն առավել նրբագեղ ու բոլոր մակարդակներում թեթեւ լիներ. ընդհանուր առմամբ հիսուն կերպարներ ունենք (սովորական յոթանասունի փոխարեն)»,- նախօրեին «Figaro» պարբերականի հետ զրույցում ասել է Վիրջինի Վիարը, որը Կարլ Շագերֆելդին փոխարինել է Chanel-ի ղեկավարի պաշտոնում։ Նախքան մետրի մահը նա Լագերֆելդի աջ ձեռքն էր։
View this post on Instagram
Հավաքածուն նախատեսված է թեթեւ ճամփորդությունների համար, զգեստապահարանի հետ, որը տեղավորվում է փոքր ճամպրուկի հետ։ Այն բաղկացած է բազմաֆունկցիոնալ իրերից, որոնք կարելի է առանց դժվարությամբ համադրել ու տրանսֆորմացնել։
Օրինակ՝ երկար շրջազգեստները կարճ զգեստներ են դառնում, իսկ ժակետները կարելի է կրել առավոտյան շապիկի հետ, իսկ երեկոյան՝ ջինսի հետ։ «Մենք հստակ չգիտենք, թե ինչպիսին կլինի իրավիճակը մեր ոլորտում համավարակից հետո, բայց եթե ոչինչ չանենք, աղետ կլինի»,- հայտարարել է Վիարը՝ նկատի ունենալու իրավիճակը, որում հայտնվել են դերձակները, մոդելյերներն ու ոլորտի այլ աշխատակիցներ։
View this post on Instagram
Աղբյուրը՝ «ՌԻԱ Նովոստի»