Super Жorik-ի, ինքնակենսագրական գրքի ու կինոյում նոր դերի մասին. Միխայիլ Գալուստյանը՝ «Вечерний Ургант» հաղորդման հյուր
18:53 9 հունիսի, 2020Ռուսաստանում հայտնի շոումեն Միխայիլ Գալուստսյանը դարձել է ռուսական «Առաջին ալիք»-ով հեռարձակվող «Вечерний Ургант» հաղորդման հյուրը։ Դերասանը հանդիսատեսին պատմել է իր նոր ծրագրերի մասին ու ներկայացրել իր երաժշտական ու հումորային ալտերէգոյի՝ СуперЖоriк-ի՝ նոր թողարկված «Золото» տեսահոլովակը։
«Այդ կերպարն ինձանում վաղուց էր ապրում։ Ես հասկանում եմ, որ սա հնչում է որպես որոշակի բիպոլյարություն։ Ես միշտ երգել եմ, բայց երբեք չեմ ընդգծել դա։ Ես ինձ երգիչ չեմ համարում, ես պարզապես երգերի կատարող եմ։ Երգիչն առավել լուրջ, կշիռ ունեցող բան է։ Օրինակ՝ Պոլինա Գագարինան։ Իսկ ես պարզապես երգերի կատարող եմ։ Հիմա Super Жorik-ն իր երգերով ժանրի ստեղծող է, որը ես պատրաստում են առաջախացնել՝ «Էլեկտրոկովկաս», «մանղալդենս»։ Այդ երգերն ուրախություն են բերում, եւ ոչ մի լուրջ պատճառ չկա։ Super Жorik-ը Չայկովոսկու ու Բախի ավանդույթները շարունակողը չէ, նա պարզապես զբաղեցրել է իր նշաձողը»,-ն ընդգծխել է Միխայիլը։
40-ամյա Գալուստյանն Ուրգանտին նաեւ խոստովանել է, որ հիմա աշխատում է արտասովոր՝ գրողի դերում։ Այս տարի նա գրում է եւ հրատարակության է պատրաստում իր ինքնակենսագրականը, որում կներկայացնի իր հաջողակ կարիերայի պատմությունը։ «40-ը բոլորել եմ, ժամանակ է գիրք գրել։ Այն ինքնակենսագրական կլինի՝ հաջողության պատմություն։ Հիմա այս ժանրերը հայտնի են։ Գիրք իմ, իմ կյանքի, մեծանալու մասին, այն մասին՝ ինչպես եմ ես վերաբերում այս կամ այն իրավիճակներին»,- ասել է շոումենը։
Բացի այդ՝ դերասանը երկրպագուներին ուրախացրել է նորությամբ այն մասին, որ վերադառնում է լիամետրաժ կինո։ Միխայիլին հրավիրել են նկարահանվել պատմական կատակերգությունում, որի ռեժիսորն Իլյա Կուլիկովն է, որն առավել հայտնի է որպես «Ոստիկանը Ռուբլյովկայից», «Չեռնոբիլ. մեկուսացման գոտի», «Քարե ջունգլիների օրենքը» սերիալների հեղինակ։