Ուիլյամն ու Քեյթը ցուցադրել են արքայազն Ջորջի առաջին պաշտոնական լուսանկարը
11:27 20 օգոստոսի, 2013Աշխարհի ամենասպասված փոքրիկը դեռեւս մեկ ամսեկան է, սակայն արդեն հասցրել է նվաճել մոլորակի բազմաթիվ բնակիչների սրտերը: Վերջապես բոլորը տեսան արքայազն Ջորջին: Քեյթ Միդլթոնն ու արքայազն Ուիլյամը մասնակցել են նոր ֆոտոսեսիայի: Թագավորական ընտանիքի երկրպագուները, իհարկե, հիասթափված են. նրանք ընդամենը երկու լուսանկար են ստացել: Դրանցից մեկում Ջորջը մոր գրկում է, իսկ արքայազն Ուիլյամը կանգնած է նրանց կողքին, իսկ երկրորդ լուսանկարում նրանց է միացել նաեւ Լուպո շունը:
«Առաջին երեք շաբաթները ես գիշերներն անցկացնում էի երեխայի հետ, որպեսզի Քեյթը հանգստանա: Հիմա որդուս քունը կարգավորվել է: Նախկինում ինձ թվում էր, որ մարդկանց փնտրելու եւ փրկելու գործողությունը բարդ աշխատանք է, բայց երեք շաբաթ նորածին երեխայի հետ անցկացնելուց հետո արդեն կասկածում եմ…»,- ավելի վաղ պատմել էր Ուիլյամը:
Հիշեցնենք, որ Քեյթ Միդլթոնը պաշտոնապես դեկրետից կվերադառնա սեպտեմբերի 12-ին:
Լուսանկարը՝ REUTERS-ի