Հետաքրքիր գլխարկ, բնական շպար. Լուսինե Թովմասյանի լուսանկարը
20:07 10 հունիսի, 2020«Միսս Հայաստան», «Վիցե միսս Եվրոպա 2005», հաղորդավարուհի Լուսինե Թովմասյանը նոր լուսանկար է հրապարակել։
Instagram-յան էջում հրապարակված կադրերում երիտասարդ մայրիկը բաց գույնի հագուստ է կրում։ Լուսինեն արձակել է մազերն ու կերպարն ամբողջացրել մեծ ծղոտե գլխարկով։ Կերպարն ամբողջացրել է բնական շպարը։ «Համբույրներ եմ ուղարկում բոլորին»,- հրապարակումը մակագրել է նա։
Ավելի վաղ հրապարակված կադրերում Լուսինեն ամուսնու եւ երկու բալիկների՝ Արիանայի եւ Ալեքի հետ էր։ Կադրերն արվել էին Ալեքի 10 ամսականին նվիրված ընտանեկան խնջույքի ժամանակ։ Լուսինեն մեկնաբանություններում գրել էր․ «Իրականում հիշում եմ` Արիանայի ամսական ծնունդները ինչպես էի նշում: Անպայման տորթ էի պատվիրում ինչ- որ թեմատիկայով, զգեստն էլ անպայման պետք է նույն թեմայով ո ւ համահունչ լիներ: Իսկ Ալեքի հետ մի տեսակ շատ ավելի թեթև ասեմ, թե հանգիստ, բայց նման բաների վրա ուշադրություն չեմ դարձնում: Ինքս իմ մեջ ուզում եմ հասկանալ` ինչից է դա. Ալեքը երկրորդ բալի՞կն է (այս տեսակետը շատ ավելի տարածված է) , թե՞ ես եմ արդեն մեծացել, և այդ ամեն ինչի հավեսը չունեմ: Բայց հոգու խորքում միեւնույն է մտածում եմ, որ արդար չէ: Ձեր դեպքում ինչպե՞ս է»:
Լուսանկարը՝ Պարգեւ Այդինյանի