Շուրթերի խնամք՝ տնային պայմաններում
19:07 14 հունիսի, 2020NEWS.am STYLE-ն առաջարկում է տնային միջոցների բաղադրատոմսեր, որոնք կօգնեն պայքարել շուրթերի չորության դեմ՝ դրանք դարձնելով հարթ եւ գրավիչ:
Փափկեցնող դիմակ կաթնաշոռից
Կես թեյի գդալ տնական յուղոտ կաթնաշոռը 1 թեյի գդալ սերուցքի հետ լավ տրորեք: Ստացված զանգվածը թանձր շերտով քսեք շուրթերին: Պահեք 10-15 րոպե: Դրանից հետո շուրթերին փոքր քանակությամբ հիգիենիկ շրթներկ քսեք:
Սնուցող դիմակ մեղրից
Շուրթերին մեղր քսեք, 5-10 րոպե հետո մատների ծայրերով մի փոքր մերսեք, այնուհետեւ լվացեք:
Խոնավեցնող դիմակ թթվասերից
1 թեյի գդալ թթվասերին ավելացրեք 2-3 կաթիլ կիտրոնի հյութ եւ նույնքան բուսական յուղ: Դիմակը թանձր շերտով քսեք շուրթերին՝ թողնելով 15-20 րոպե: