Ատում է տղամարդկանց վրա փայլերով հագուստը ու չի սիրում, երբ հետաքրքրվում են անձնականով. 20 փաստ Օլյա Հակոբյանի մասին

12:25   23 հունիսի, 2020

Հանրային մարդկանց անձնական ու ստեղծագործական կյանքը հաճախ դառնում է հանրության «սեփականությունը», եւ երբ թվում է՝ ամեն ինչ գիտենք շոու-բիզնեսի ներկայացուցիչների մասին, նրանք նոր բացահայտումներ են անում:

NEWS.am STYLE-ը բլիցների նոր շարք է սկսում, որի շրջանակում 20 կարճ ու պարզ հարցերի միջոցով կփորձենք պարզել հայտնիների առօրյա նախասիրություններն ու նախընտրությունները: Մեր խորագրի առաջին հերոսուհին դերասանուհի Օլյա Հակոբյանն է:

Օլյա, քանիսի՞ն պետք է արթնանաս, որ տրամադրությունդ լավ լինի ողջ օրվա ընթացքում:

Մոտավորապես, եթե 11-ին արթնանամ, օրս հիասքանչ կանցնի (ծիծաղում է):

Սնունդ կամ ըմպելիք, առանց որի չես պատկերացնում օրդ:

Կեֆիր:

Երբ մի բանով հիանում ես, ի՞նչ բառ ես օգտագործում:

Թո՜ւյն...

Երբ բարկանում ես, ո՞ր բառն ես ամենից հաճախ օգտագործում:

Եկեք՝ դա չասեմ (ծիծաղում է):

Նորաձեւությո՞ւն, թե՞ հարմարավետություն:

Իհարկե, միասին:

Ովքե՞ր են սիրածդ դիզայներները:

Dolce & Gabbana, Karl Lagerfield, Aleksandr Mcqeen, Gucci, John Galiano:

:

Բրենդամո՞լ ես:

Չէ, բացարձակ բրենդամոլ չեմ:

Ամենաթանկ ու ամենաէժան գնումներդ:

Էժան գնումներս հավատացեք՝ շատ են, ինձ մոտ դա հաճախ է ստացվում: Իսկ թանկ գնումները, երեւի, ավելի շատ տեխնիկային են վերաբերում:

Թրենդներից ի՞նչը տանել չես կարողանում:

Տղամարդկանց վրա փայլերով հագուստը… ատում եմ: Նաեւ չեմ սիրում ֆրենչ մանիկյուր:

3 իր, որոնք անպակաս են պայուսակիցդ:

Հեռախոս, ականջակալ, օծանելիք: Անգամ դրամապանակս երբեմն մոռանում եմ, դրանք՝ ոչ:

Քո ականջակալներում միշտ հնչում է...

Pink Floyd, Մայքլ Ջեքսոն:

Երգ, որը ստիպել է քեզ հուզվել:

Մայքլ Ջեքսոնի Earth Song-ը:

Ո՞ր ֆիլմի հերոսուհուն ես քեզ նմանեցնում:

Ընդհանրապես՝ «Առեւանգում 60 վայրկյանում» ֆիլմի հերոսուհուն, իսկ երբեմն` Գրեյս Դոգվիլին:

Հոլիվուդյան ո՞ր դերասանների հետ կցանկանայիր նկարահանվել:

Ալ Պաչինոյի եւ Ռոբերտ դե Նիրոյի:

Քո ոլորտի հայտնիներից ումի՞ց կցանկանայիր մասնագիտական խորհուրդ հարցնել, եթե երբեւէ վիճակվեր հանդիպել:

Վերը նշված դերասաններից, նաեւ Մերիլ Սթրիփին կավելացնեմ այս ցուցակում:

Վերջին անգամ ե՞րբ ես ձեռագիր նամակ գրել ու ո՞ւմ:

Մի քանի օր առաջ տղայիս՝ ծննդյան առիթով:

Վերջին անգամ ո՞ւմ վրա ես բարկացել եւ ինչո՞ւ:

Անընդհատ եմ բարկանում (ծիծաղում է): Չեմ կարող կոնկրետ նշել, որովհետեւ հաճախ է պատահում:

Վերջին անգամ ե՞րբ ես ուրախությունից արտասվել, ի՞նչ առիթով:

Էլի տղայիս՝ Էրիկի ծննդյան օրը:

Ամենազավեշտալի բամբասանքը, որ երբեւէ քո մասին լսել ես:

Երբ իրականությունը չտարբերելով ինձ նույնացնում են կերպարիս հետ, բնականաբար, հենց դրա հետ են կապված լինում բամբասանքները:

Ամենաչսիրածդ հարցը, որ տալիս են լրագրողները:

Ամենաչսիրածս հարցերն, իհարկե, անձնականիս մասին են:

Սյունե Առաքելյան

Լուսանկարները՝ Միլեն Մանուկյան



© NEWS.am STYLE