Street-style՝ աշնանային սեզոնի նախաշեմին (ֆոտո)

Street-style-ը Լոս Անջելեսի արեւմտյան ափի սերֆինգիստների եւ սքեյթբորդիստների՝ 1970-ականների վերջի եւ 1980-ականների սկզբի մշակույթի մաս է համարվում: Ներառելով հիփ-հոփի եւ DIY-ի ենթամշակույթի տարրեր՝ street-style-ը կամ streetwear-ը դարձել է երիտասարդ, անկախ ամերիկացու հագուստ, որը ցանկանում է նորաձեւ եւ նորաոճ տեսք ունենալ, բայց եւ առանձնապես մեծ գումար չծախսել թանկ հագուստ գնելու համար: Այդ հագուստ էր, որը ոչ ոք չէր ստեղծում, այն որոշակի զարգացում է ապրել՝ ամերիկյան հանցավոր թաղամասերից եւ Լոս Անջելեսի լողափերից անցնելով ժամանակակից նորաձեւության ամսագրերի էջեր: Մեր օրերում Street-style-ի միտումները քննարկում են նորաձեւության բլոգներում եւ այնպիսի ամսագրերում, ինչպիսիք են Vogue-ը կամ WWD-ն: Street-style-ի սիրահարներ են շոու-բիզնեսի աստղերը, այդ թվում՝ Ռիտա Օրան, Բեյոնսեն, Ռիհանան եւ Կառա Դելեւինը:

Սակայն 30-40 տարիների ընթացքում քաղաքային նորաձեւությունը պատռված կիսատաբատով եւ պարզ մարզաշապիկով երիտասարդին վերափոխել է նոր, նորաձեւ եւ նույնիսկ փոքր-ինչ գլամուր մարդու, ով առանց նորաձեւության ապրել չի կարող:

Street-style-ը ներկայում բաժանում են մի քանի տեսակի, որոնք էլ կապվում են որոշակի քաղաքների ու երկրների հետ: Օրինակ՝ Լոնդոնի արվարձանների նորաձեւության երիտասարդ սիրահարի հագուստը խիստ տարբերվում է այն հագուստից, որն ընտրում է նյույորքյան Բրուքլինի բլոգերը: Մեծ դեր է խաղում նաեւ այն վայրերի կլիման, որտեղ ապրում են street-style-ի սիրահարները:

Այս ամռան ավարտի մոտենալու հետ, որից ոչ ոք չի ցանկանում բաժանվել եւ զգեստապահարանը լցնել աշնանային տխուր հագուստով, NEWS.am STYLE-ի թղթակիցը կազմել է 1970-80-ականների կալիֆորնիական Street-style-ի ամենադասական կերպարները: Նման հագուստով ցուրտ աշնան նախաշեմին դեռեւս կարելի է շրջել քաղաքում:

Գրիգոր Ավետիսյան