NEWS.am STYLE-ը շարունակում է ձեզ ներկայացնել վերջերս կյանքից հեռացած դերասան Իեն Հոլմի լավագույն կինոնկարները: Եթե առաջին մասը բաց եք թողել, կարող եք ծանոթանալ այստեղ:
Իսկ մենք շարունակում ենք...
«Զենքի բարոնը»
5-րդ տեղ, վարկանիշը՝ 15.2 (IMDb-7.6, Kinopoisk-7.6)
Տարեթիվը՝ 2005
Ռեժիսոր՝ Էնդրյու Նիքոլ
Գլխավոր դերերում՝ Նիքոլաս Քեյջ, Բրիջեթ Մոյնեհեն, Իեն Հոլմ…
Յուրին սկսում է զենք վաճառել եւ եղբոր օգնությամբ արագ նվաճում է արեւի տակ իր տեղը: Բայց որքան վեր է բարձրանում, այնքան նրան մոտենում է Ինտերպոլի գործակալը:
«Բրազիլիա»
4-րդ տեղ, վարկանիշը՝ 15.6 (IMDb-7.9, Kinopoisk-7.7)
Տարեթիվը՝ 1985
Ռեժիսոր՝ Թերի Գիլիամ
Գլխավոր դերերում՝ Ջոնաթան Փրայս, Ռոբերտ Դե Նիրո, Իեն Հոլմ…
Սեմ Լաուրին իր կյանքից միանգամայն գոհ է, նա նախընտրում է մանր կլերկի աշխատանքը, եւ համակարգի վերնախավի մեջ մտնող մոր կամքին հակառակ՝ համաձայն է հաշտվել չկարգավորված սեփական կենցաղին: Բայց նա անսպասելի հանդիպում է այն աղջկան, ում մշտապես տեսնում էր իր երազներում: Հանուն նրան նորից հանդիպելու՝ նա վճռում է աշխատանքը փոխել:
«Հինգերորդ տարրը»
3-րդ տեղ, վարկանիշը՝ 15.7 (IMDb-7.7, Kinopoisk-8.0)
Տարեթիվը՝ 1997
Ռեժիսոր՝ Լյուկ Բեսոն
Գլխավոր դերերում՝ Բրյուս Ուիլիս, Միլա Յովովիչ, Իեն Հոլմ…
Ամեն 5 հազար տարին մեկ բացվում են չափումների միջեւ դռները, եւ մութ ուժերը ձգտում են խախտել գոյություն ունեցող ներդաշնակությունը: Տիեզերքին հերոս է պետք, որը կարող է դիմակայել այդ չարիքին: XXIII դարում մարդկության ամբողջ ցեղի փրկության գլոբալ խնդիրը պետք է լուծի նյույորքցի տաքսիստ Քորբեն Դալասը:
Չարիքին հնարավոր է հաղթել միայն միասին հավաքելով 4 տարրերը (հող, ջուր, օդ եւ կրակ) եւ դրանց հավելելով խորհրդավոր հինգերորդ տարրը:
«Ռատատույ»
2-րդ տեղ, վարկանիշը՝ 15.9 (IMDb-8.0, Kinopoisk-7.9)
Տարեթիվը՝ 2007
Ռեժիսոր՝ Բրեդ Բյորդ եւ Յան Պինկավա
Գլխավոր դերերում՝ Պետոն Օսվալտ, Լու Ռոմանո, Իեն Հոլն…
Ռեմի առնետը յուրահատուկ ճաշակ ունի: Նա պատրաստ է սեփական կյանքը վտանգել՝ սիրելի խոհարարական շոուն դիտելու եւ որեւիցե համեմունք ճարելու համար: Երբ Ռեմին պատահաբար հայտնվում է շքեղ ռեստորանի խոհանոցում, որոշում է օգտվել իրեն բախտ վիճակված հնարավորությունից եւ ստուգել իր հմտությունները:
«Օտարը»
1-ին տեղ, վարկանիշը՝ 16.4 (IMDb-8.4, Kinopoisk-8.0)
Տարեթիվը՝ 1979
Ռեժիսոր՝ Ռիդլի Սքոթ
Գլխավոր դերերում՝ Սիգուրնի Ուիվեր, Թոմ Սքերիթ, Իեն Հոլմ…
Հեռավոր ապագայում Երկիր վերադարձող բեռնատար տիեզերանավը որսում է անհայտ մոլորակից արձակվող չճանաչված ազդանշան: Հիմնական հրահանգների համաձայն՝ անձնակազմը պարտավոր է գտնել եւ ուսումնասիրել ազդանշանի աղբյուրը: Մոլորակում հայտնվելով՝ տիեզերագնացներն ամենուր հայտնաբերում են չճանաչված առարկաներ, որոնք արտաքուստ նման են հսկա բոժոժների:
P.S.
«Օրերից մի օր ես կհիշեմ: Կհիշեմ այն ամենը, ինչ տեղի է ունեցել: Լավը, վատը: Նրանց, ովքեր ողջ մնացին, եւ նրանց, ովքեր այլեւս չկան»:
Բիլբո Բեգինս (Հոբիթ. Հինգ զորքերի ճակատամարտը)
Նորայր Նազարյան