«Վիրտուալ» Քենդալ Ջենները՝ Burberry-ի ամառային արշավի դեմք
20:17 2 հուլիսի, 2020Burberry-ն ցուցադրել է «TB Summer Monogram» ամառային արշավը։ Դրա դեմք է դարձել Քենդալ Ջենները, որը տանն ինքն իրեն նկարել է վեբ տեսախցիկով։ Այդ լուսանկարների օգնությամբ Burberry-ի ստեղծագործական տնօրեն Ռիկարդո Տիշին, լուսանկարիչ Նիք Նայթն ու գրաֆիկ դիզայներներ Փիթեր Սեւիլն ու Քեթի Ինգլենդը վիրտուալ արշավ են ստեղծել։ Ջենները կադրում կերպարանափոխվում է չորս կերպարի եւ միաժամանակ ցուցադրում կանացի ու տղամարդկանց հավաքածուների իրերը։
View this post on Instagram
«Ռիկարդոն ցանկանում էր համագործակցել ինձ հետ՝ այդ հավաքածուն մի քանի միջոցով կյանքի կոչելու համար։ Նա ինձ խրախուսել է արշավն ինքնուրույն մեկնաբանել. դա իսկապես հրապուրիչ հնարավորություն էր։ Ինձ դուր է եկել, որ ես դրանում սեփական տեսլականն եմ ներդրել»,- ասել է Ջենները։
Հավաքածուում ներառված իրերը կարելի է գնել ապրանքնաիշի բոլոր բուտիկներում հուլիսի 1-ից, ինչպես նաեւ Farfetch-ում գուլիսի 8-ից։
Աղբյուրը՝ Blueprint