Մարտին Մկրտչյանն ու Հռիփսիմե Հակոբյանը նշում են ամուսնության 7-ամյակը
17:41 4 հուլիսի, 2020Երգչուհի Հռիփսիմե Հակոբյանը նոր լուսանկար է հրապարակել, որում ներկայացել է ամուսնու՝ երգիչ Մարտին Մկրտչյանի հետ։
Իր միկրոբլոգում հրապարակված կադրերում երգչուհին կրում է վերնաշապիկ։ Նա առանց շպարի է, վարսերն արձակված են։ Երիտասարդ մայրիկի կերպարն ամբողջացնում է ծղոտե լայնեզր գլխարկը։ Հրապարակմանը կից Հռիփսիմեն անգլերեն լեզվով գրել է․ «Ամուսնության 7-ամյակ»։
Մեկնաբանությունների հատվածում զույգին շնորհավորական խոսքեր են հղել ինչպես հայտնիները, այսպես էլ նրանց երկրպագուները։
Նշենք, որ օրերս հրապարակված կադրերում երիտասարդ մայրիկը հավաքել էր մազերը։ Հռիփսիմեն նախապատվություն էր տվել բնական շպարին, որն ընդգծել էր նրա գեղեցկությունը։ Կերպարն ամբողջացրել էին նուրբ աքսեսուարները՝ վզնոց եւ թեւնոց։ «Մեկ է…»,- հրապարակումը մակագրել էր նա։