Ջոան Ռոուլինգը կրկին զայրույթ է առաջացրել. գրողն՝ ընդդեմ տրանսգենդեր երեխաների հորմոնալ թերապիայի

12:59   7 հուլիսի, 2020

Ջոան Ռոուլինգի խոսքերի շուրջ կրքերը չեն հանդարտվում։ Հունիսին Ռոուլինգին քննադատել են տրանսֆոբ հայտարարությանների պատճառով, իսկ այժմ գրողն իր վերաբերմունքն է արտահայտել վիրաբուժության ու հորմոնալ թերապիայի մասին, ինչը սուր են ընդունել սոցիալական ցանցերի օգտատերերը։

«Մեր առաջ հոմոեքսուալ կողմնորոշմամբ երիտասարդների համար կոնվերսիոն թերապիայի նոր տեսակ է, որոնց ամբողջ կյանքի համար հորմոններ են տալիս, որոնք կարող են ապտղություն կամ սեքսուալ դիսֆունկցիա առաջացնել»,- ասել է Ջոանը՝ հավանելով հրապարակումն այն մասին, որ հորմոնները ծայրահեղ միջոց են։

Պատասխանելով օգտատերերից մեկի մեկնաբանությանը, որում նշվում էր, որ հորմոնալ դեղամիջոցները երբեմն հակադեպրեսանտների են փոխարինում, գրողը նշում է, որ դրանք երբեմն կարող են անհրաժեշտ լինել եւ նույնիսկ կյանք փրկել, սակայն այդ դեղամիջոցները պետք է վերջին միջոցը, եւ ոչ թե ցանկում առաջին տարբերակը լինեն։ «Դա ալարկոտություն է. հաբեր տալ մարդկանց ուղեղները բուժելու նպատակով ժամանակ ու ուժեր ծախսելու փոխարեն»,- ասված է հրապարակման մեջ։

Գրողը պնդում է, որ սեռափոխությունը խնդրի լուծում չի լինի, քանի որ կան մարդիկ, որոնք զղջացել են։ Վիրավորված մարդիկ հայհոյանքներ են հնչեցնում Ռոուլինգի հասցեին եւ վիճակագրություն մեջբերում. ըստ 2019թ.-ի բրիտանացի գիտնականների հետազոտության տվյալների՝ տրանսգենդերները հազվադեպ են զղջում սեռափոխության համար (3,398 հետազոտվողից 1 տոկոսից պակասը)։  

Պատասխանելով հրապարակմանը՝ տրանսգենդեր մոդել ու ակտիվիս Մունրո Բերգդորֆը գրել է. «Ջոան Ռոուլինգը գիտնական չէ։ Նա բժիշկ չէ։ Նա սեռական կողմնորոշման հարցով փորձագետ չէ։ Նա միլիարդատեր է, հետերոսեքսուալ սպիտակամորթ կին, որը կարծում է, թե գիտի՝ ինչն է մեզ ու մեր մարմինների համար ավելի լավ, բայց սա նրա պատերազմը չէ»։

Լուսանկարը՝ Getty Images



© NEWS.am STYLE