«Շքեղ, յուրօրինակ». Արփինե Հովհաննիսյանի էլեգանտ կերպարը
13:01 10 հուլիսի, 2020ՀՀ Ազգային ժողովի նախկին փոխնախագահ Արփինե Հովհաննիսյանը կարողանում է միշտ ոճային լինել եւ առանձնանալ իր էլեգանտ կերպարներով։
Այս անգամ եւս նա հետաքրքիր կերպար է ընտրել։ Facebook-յան էջում հրապարակված կադրերում Արփինե Հովհաննիսյանը բաց կապույտ գույնի հագուստ է կրում։ Նա արձակել է ուղիղ հարդարված մազերը, իսկ արտահայտիչ շպարն ընդգծել է գեղեցկությունը։ Կերպարն ամբողջացրել են աքսեսուարները՝ ակնոց, ժամացույց եւ ականջօղեր։ «Բարի լույս»,- հրապարակումը մակագրել է Արփինե Հովհաննիսյանը, որի հետեւորդները նրան բազմաթիվ հաճոյախոսություններ են գրել. «Շքեղ», «նրբաճաշակ», «յուրօրինակ»։
Ավելի վաղ հրապարակված կադրերում Արփինե Հովհաննիսյանը դասական կերպարում է։ Նա կրում էր ճերմակ բլուզ, մանուշակագույն պիջակ։ Արձակել էր ալիքավոր վարսերն ու նուրբ շպարը համադրել հագուստի երանգների հետ։ Կերպարն ամբողջացնում էին զարդերն ու ժամացույցը։ Հրապարակմանը կից Արփինե Հովհաննիսյանը գրել էր․ «Ամեն ինչ լավ է լինելու»։ Իսկ նրա հետեւորդները շտապել էին արձանքել․ «Երբ խելքն ու գեղեցկությունը ներդաշնակ են», «Միշտ սիրուն», «Գեղեցկություն»։
Գլխավոր լուսանկարը՝ Լիլիան Գալստյանի