«Ես չեմ կարողանում շնչել». «Bon Jovi»-ին երգ է թողարկել Ջորջ Ֆլոյդի կյանքի վերջին րոպեների մասին
12:11 13 հուլիսի, 2020«Bon Jovi» ռոք խումբը նոր երգը՝ «American Reckoning»-ը, նվիրել է աֆրոամերիկացի Ջորջ Ֆլոյդի հիշատակին եւ հակառասիստական բողոքներին, որոնք ողողել են ԱՄՆ-ը, հայտնում է Rolling Stone-ը։
Մայիսի վերջից ԱՄՆ մի շարք խոշոր քաղաքներում, ապա նաեւ աշխարհի շատ երկրներում բողոքների ու անկարգությունների ալիք է սկսվել ընդդեմ ոստիկանության բռնության ու ռասիզմի Մինեապոլիսում ոստիկանի կողմից ձերբակալման ընթացքում աֆրոամերկացի Ջորջ Ֆլոյդի մահվանից հետո։ Համացանցում տեսանյութ հայտնվեց, որում երեւում էր՝ ոստիկանները Ֆլոյդին ձեռնաշղթաներ են հագցրել, նրան տապալել գետնին, իսկ ոստիկաններից մեկը ոտքը դրել էր նրա իրանին։ Տեսանյութում Ֆլոյդը մի քանի անգամ ասում է, որ չի կարողանում շնչել, հետո լռում է։ Ոստիկաններից մեկը մեղադրվել է սպանության, մյուսները՝ սպանության հանցակցության մեջ։
«Որպես պատմության ականատես՝ ես դրդրված էի գրել «American Reckoning»-ը։ Ես հավատում եմ, որ արտիստի մեծագույն շնորհը սեփական ձայնն օգտագործելու կարողությունն է՝ խոսելու համար հարցերի մասին, որոնք մեզ հուզում են»,- հայտարարել է Ջոն Բոն Ջովին։
«American Reckoning» երգի բառերը մանրամասն նկարագրում են Ջորջ Ֆլոդի կյանքի վերջին րոպեներն ու մեջբերում աֆրոամերիկացու արտահայտությունը՝ «Ես չեմ կարողանում շնչել», որը դարձել է ԱՄՆ-ում հակառասիստական բողոքների խորհրդանիշը։ Երգը կներառվի խմբի «Bon Jovi 2020» նոր սկավառակում, որի թողարկումը կորոնավիրուսի համավարակի պատճառով հետաձգվել է մինչեւ աշուն։
Լուսանկարը՝ Welt