Netflix-ը համասեռամոլ կերպարի պատճառով հրաժարվել է թուրքական սերիալից

Netflix սթրիմինգային ծառայությունը չեղարկել է թուրքական «If Only» («Եթե միայն») սերիալի նկարահանումները, որում համասեռամոլ հերոս կա, հայտնում է Financial Times-ը։

Նախագծով զբաղվող Ay Yapim ընկերությունն արդեն իսկ Netflix-ի համար նկարահանել է Love 101 շոուն, սակայն թուրքական իշխանությունները հրաժարվել են լիցենզիա տրամադրել նոր նախագծի պրոդյուսերներին՝ հայտարարելով, որ դժգոհ են սերիալում հոմոսեքսուալ կերպարի առկայությունից։ Netflix-ը հայտարարել է, որ սցենարը չի փոխի։

«If Only»-ի սցենարիստ Էջե Յորենչը պարզաբանել է, որ չեն ծրագրել շոուում միասեռ հարաբերություններ ցուցադրել եւ նշել է, որ նմանատիպ արգելքներն իրեն ստիպում են անհանգստանալ ապագայի համար։

2019թ.-ին Netflix-ին բոյկոտել են «Հիսուսի առաջին գայթակղությունը» կատակերգության համար, որը պատմում է ոչ ստանդարտ կողմնորոշում ունեցող Հիսուսի մասին։ Համացանցում տարածվեց #CanceloNetflix («Չեղարկեք Netflix-ը») հեշթեգը, որի ուղեկցությամբ օգտատետերրը կոչ էին անում հրաժարվել հարթակին բաժանորդագրությունից։ Որոշ օգտատերեր սկսել են սքրիշոթեր հրապարակել՝ հաստատելու համար, որ դադարել են վճարել ընկերության ծառայությունների համար եւ ջնջել են իրենց հաշիվը կայքում։

Աղբյուրը՝ Lenta.ru, Financial Times