Հայկական մի շարք երգիչներ համատեղ նոր երգ են ներկայացնելու

Հայկական հայտնի փոփ աստղեր Միհրան Ծառուկյանը, Անգելինա Գասպարյանը, Նարեկ Բավեյանը, Սոնա Շահգելդյանը, Քրիստինե Պեպելյանը, Սարոն եւ Կարեն Հայրապետյանը երկրպագուների համար անակնկալ են պատրաստել: Նրանք շուտով նոր համատեղ երգ են ներկայացնելու: Այս մասին NEWS.am STYLE-ին տեղեկացրեց երգի հեղինակ Քնարիկ Սասունյանը:

«Երգի անվանումն առայժմ չենք ցանկանում բացահայտել: Քանի դեռ այն պատրաստման փուլում է, թող գաղտնի մնա: Բայց ասեմ, որ երգի հիման վրա նաեւ տեսահոլովակ է նկարահանվելու»,- նշեց կոմպոզիցիայի հեղինակը: Նա հավելեց, որ նոր ստեղծագործության բոլոր մանրամասները կներկայացնեն շուրջ մեկ շաբաթ անց: