Կասկադյորը պատմել է Շարլիզ Թերոնի եւ Թոմ Հարդիի կոնֆլիկտի մասին, որը խանգարել է է «Խելահեղ Մաքսը» ժապավենի նկարահանմանը

13:22   28 հուլիսի, 2020

Թոմ Հարդիի եւ Շարլիզ Թերոնի կոնֆլիկտը խանգարել է «Խելահեղ Մաքսը» ժապավենի նկարահանման ընթացքին, հայտնում է Metro-ն։

Կասկադյոր եւ դուբլյոր Դեյնա Գրանտը հիշել է, որ դերասանների միջեւ տարաձայնությունները լրջորեն բարդացրել են աշխատանքի ֆիլմի վրա, քանի որ աստղերը ձգտել են որքան հնարավոր է քիչ ժամանակ անցկացնել միասին։

«Երբ մենք սկսեցինք մարտական խորեոգրաֆիայով զբաղվել, անմիջապես լարվածություն զգացինք։ Մեզ բացատրեցին, թե ինչ է տեղի ունենում եւ խնդրեցին այնքան լավ աշխատել, որքան հնարավոր է այդ իրավիճակում։ Եվ դա շատ տարօրինակ էր, քանի որ մենք սովորաբար աշխատում ենք մի մեծ խմբով։ Դա ծանր էր, քանի որ ես ստիպված էի ժամանակ անցկացնել երկուսի հետ էլ, իսկ նրանց չէին ցանկանում միասին լինել։ Այդ պատճառով երբ գործը հասնում էր նկարահանումներին, ես Շարլիզի փոխարեն նկարահանվում էի Թոմի հետ, իսկ Թոմի նմանակը Շարլիզի հետ աշխատում էր Թոմի փոխարեն»,- նշել է Գրանտը։

Այս տարվա մայիսին Շարլիզ Թերոնը New York Times-ին տված հարցազրույցում պատմել է «Խելահեղ Մաքսը. զայրույթի ճանապարհը» ֆիլմի ընթացքում կոնֆլիկտի մասին։

«Ես բավարար չափով կարեկցանք չունեի՝ հասկանալու համար Թոմի զգացմունքները, որը եկել էր Մել Գիբոսնի փոխարեն։ Դա սարսափելի է։ Եվ ես կարծում եմ, որ իմ վախի պատճառով մեր միջեւ պատ եմ կառուցել։ Իսկ մեզ պետք էր խոստովանել, որ երկուսս էլ վախենում ենք եւ բարի լինել միմյանց նկատմամբ։ Մենք տարօրինակաբար գործում էինք մեր կերպարների նման. կարծես պայքարում էին ողջ մնալու համար»,- պատմել էր Թերոնը։

 



© NEWS.am STYLE