Կենդանակերպի նշանների կատարյալ օծանելիքները

21:12   1 օգոստոսի, 2020

Բույրը արտահայտում է ոչ միայն կոնկրետ անձնավորության ճաշակը, այլ նաեւ հուշում է նրա բնավորության եւ նույնիսկ սովորույթների մասին: Երեւի, մեզնից շատերն են նկատել, որ մի օծանելիք, որը ամենեւին չի համապատասխանում մեկին, հիանալի կերպով ընդգծում է մեկ ուրիշի առանձնահատկությունները: NEWS.am STYLE-ն առաջարկում է իր ընթերցողներին ծանոթանալ բույրերի յուրօրինակ հորոսկոպի հետ:

ԽՈՅԵՐ

Այդ կրակոտ նշանի նշանաբանն է «Մի~շտ առաջ»: Խոյերը ոգեշնչված ծրագրեր են մշակում, սակայն միշտ չէ, որ նրանք իրականացնում են այդ ծրագրերը: Եթե Դուք ցանկանում եք նրանց ծաղիկներ նվիրել, ապա հիանալի ընտրություն կկատարեք, եթե վարդակակաչ կամ թրաշուշան պարգեւեք նրանց: Նրանք սիրում են վառ արտահայտված բույրով դասական օծանելիք: Սուր բույրերը նրանց ակտիվացնում են, դարձնում ավելի նպատակասլաց եւ ուշադիր: Փայտի նրբերանգը բարելավում է ինքնազգացողությունը եւ ոգեշնչում է բարի գործերի: Խոյերին տպավորում է ալ-կարմիր փաթեթով օծանելիքը: Կանանց աստղերը խորհուրդ են տալիս հետեւյալ բույրերը՝ Allure, Coco, Opium, Chanel 5, Magic Noire, իսկ տղամարդկանց՝ Kenzo, Green Jens, M. Jordan, One Men Show:

ՑԼԵՐ

Ցլերը երջանիկ են, երբ իրենց ընտանիքում խաղաղություն եւ ներդաշնակություն է տիրում: Նրանք տրամադրված չեն նորարարությունների եւ ցանկացած փոփոխությունների: Սիրում են բնությունը եւ զուրկ չեն ռոմանտիկայից: Յասամանի ճյուղը նրա մոտ երջանկության գլխապտույտ է առաջացնում: Ցլերի համար ամենաներդաշնակ բույրերը տարբերվում են ծաղկի քաղցր նրբերանգներով, ինչպես նաեւ բերգամոտի (տանձի տեսակ) թարմ հոտով: Այդ պարֆյումը խթանում է նրանց էսթետիզմի զգացումը եւ շքեղության հանդեպ հակումը: Մամուռի բույրը նրանց օգնում է հարմարվել ցանկացած փոփոխությունների եւ նորույթների՝ նրանց ավելի գործնական եւ ակտիվ տրամադրվածություն հաղորդելով: Ցլերը անչափ կուրախանան, եթե նրանց մեծ վառ կանաչ կամ կարմիր տուփով օծանելիք նվիրեն: Կին-Ցլերի համար առավել ներդաշնակ բույրերն են Amarige, Champagne, Organza, XS, իսկ տղամարդկանց՝ Egoist, Fahrenheit, Hugo, Yatagan:

ԵՐԿՎՈՐՅԱԿՆԵՐ

Երկվորյակները չափազանց հետաքրքրասեր են եւ նոր գաղափարների կողմնակիցներ են, նրանք ցանկանում են փորձել ամեն ինչ, ինչի պատճառով հաճախ այրվում են: Նրանք սիրում են վարդեր եւ հովտաշուշաններ: Ցլերի դրախտը վարդերով պատված այգին է: Նրանց ակտիվ կենսակերպին համապատասխանում են թարմ, ցիտրուսային բույրերը: Այսպիսի բույրերը դրական ազդեցություն ունեն նրանց հոգեկան աշխարհի վրա եւ նպաստում է հավաքված եւ զուսպ վիճակին: Համեմունքների եւ թարմ կանաչեղենի բույրերը հանգստացնում են նրանց նյարդային համակարգը: Նվիրե'ք նրանց արտասովոր եւ միաժամանակ չարաճճի տեսքով բաց դեղին կամ երկնագույն սրվակով օծանելիք, եւ այդ նրանց աննկարագրելի հաճույք կպատճառի: Կին-Երկվորյակներին աստղերը խորհուրդ են տալիս այնպիսի բույրեր, ինչպիսիք են 5-Avenue, 1881-Cerruti, L'Eua Par Kenzo, Pleasures, իսկ տղամարդկանց, նրանց կարծիքով, դուր կգան Aqua Digio, Blue Jens, Versus, What About Adam:

ԽԵՑԳԵՏԻՆՆԵՐ

Զգայուն եւ էմոցիոնալ Խեցգետինների համար չափազանց կարեւոր է հանգիստ մթնոլորտը եւ ներդաշնակությունը: Խեցգետինը ջրի նշան է, ահա թե ինչու նա նախընտրում է իր հանգիստը վայելել ծովափին, որտեղ նա էներգիայի չափաբաժին է ստանում: Ծովի թարմ բույրը եւ կակտուսի ծաղիկների բույրը ոգեշնչում են Խեցգետնին: Նրան դուր են գալիս ամառային ծաղկի եւ մրգերի բույրերը: Հասմիկը Խեցգետնին ուժ է տալիս: Նրա համար լավագույն նվերը կլորավուն ձեւով մուգ դեղին օծանելիքի սրվակն է: Նրանք նաեւ սիրում են սպիտակ գույնը, որը խորհրդանշում է լույս եւ մաքրություն: Կին-Խեցգետիններին ամենից շատ կհամապատասխանեն հետեւյալ բույրերը՝ Aqua Digio, Escape, L'Eua D'Issey, Magnetic, իսկ տղամարդկանց աստղերը խորհուրդ են տալիս Cool Water, 1881-Cerruti, Joop/Read, Pleasures:

ԱՌՅՈՒԾՆԵՐ

Առյուծները օժտված են անսպառ էներգիայով, որի առկայությանը կարելի է միայն նախանձել: Նրանց կատարյալ պարֆյումը ծաղիկի եւ դասական բույրերի համադրությունն է: Ամենից հզոր Առյուծը արձագանքում է հագեցված բույրերի: Նարգիզի թարմ բուրմունքը ոգեշնչում է նրան եւ անհետացնում է մռայլ մտքերը: Փայտի նրբերանգները զարգացնում են ինքնավստահության զգացումը: Առյուծը երջանկությունից կխելագարվի դեղին, կանաչ կամ ոսկեգույն տուփի մեջ յուրօրինակ երեւակայությամբ փաթեթավորված մեծ սրվակով օծանելիքից: Կանանց համար առավել համապատասխան օծանելիքներից են Eternity, Miss Dior, Paris, Poison, իսկ տղամարդկանց համար հարմար են Havana, Polo Sport, Romo Uomo, Zino Davidoff:

ԿՈՒՅՍԵՐ

Լույսերից շատերը չափազանց խելամիտ են, եւ սիրում են, երբ ամեն ինչ կանոնակարգված է: Նրան պատշգամբը սովորաբար կորած է կանաչի մեջ: Նրանց համար չափազանց կարեւոր է նյութական բարեկեցությունը: Հզոր ծաղկային եւ էքզոտիկ բույրերը կարող են նրանց ռոմանտիկ տրամադրություն պարգեւել, եթե միայն իրականության զգացումը չգերակշռի նրանց մեջ: Կույսերին դուր են գալիս խիստ ուրվագծերով սրվակները: Նրանց վրա անմոռանալի տպավորություն կարող է թողնել կապույտ կամ կանաչ փաթեթը: Կին-Կույսերին աստղերը առաջարկում են այնպիսի բույրեր, ինչպիսիք են Anais Anais, Diva, Paloma Picasso, Roma,իսկ տղամարդկանց ամար նախընտրելի են Jazz!, One, Sculpture, Angel:

ԿՇԵՌՔՆԵՐ

Կշեռքները օդի նշան է, եւ, գուցե, հենց այդ պատճառով է, որ նրանք հեշտությամբ հաղթահարում են այն, ինչը մյուսների համար անքուն գիշերների է վերածվում: Նրանք գերադասում են վարդեր եւ ֆրեզիաներ: Նրանց պարտեզներում տնկած են Անուտայի աչիկներ եւ աշնանային ծաղիկներ: Ծխախոտի ջերմ բուրմունքը նրանց ինքնավստահություն եւ համարձակություն է հաղորդում: Դուք հաճույք կպատճառեք Կշեռքներին, եթե Դուք նրանց կանոնավոր ուրվագծերով, կլորավուն ծայրերով սրվակ նվիրեք, որ փաթեթավորված կլինի կապույտ ու կանաչ գույներով: Կին-Կշեռքներին կարող են դուր գալ այնպիսի բույրեր, ինչպիսիք են Gabriela Sabatini, Poeme, Priscilla Presley, Venezia, իսկ տղամարդկանց կարելի է նվիրել Hugo, Declaration, Boss Elements, Black Seans:

ԿԱՐԻՃՆԵՐ

Եռանդուն Կարիճը միշտ անում է այն, ինչ ուզում է: Նրա նշանաբանն է «Ամեն ինչ կամ ոչինչ»: Եթե դուք կարողանաք լավ տրամադրել նրանց ձեր նկատմամբ, համարեք, որ դուք շատ հավատարիմ ընկեր եք ձեռք բերել: Կարիճները կապույտ ծաղիկներ են սիրում, գուցե, այն պատճառով, որ այդ գույնը ջրի գույնն է.այն նրանց հանգստացնում է: Նրանք սիրում են նարգիզի նուրբ բուրմունքը: Ցիտրուսային բույրերը խթանում են նրանց հոգեւոր ուժերը: Վանիլի բուրմունքը բարելավում է նյարդակին Կարիճի տրամադրությունը՝ փափկեցնելով նրա հոգեւոր կոնֆլիկտները եւ ավելի հասանելի դարձնելով նրան: Կարիճին կարող է տպավորել մուգ կապույտ, մուգ կարմիր կամ մուգ կանաչ փաթեթով ասւմետրիկ սրվակը: Կին-Կարիճներին համապատասխանում են հետյալ բույրերը՝ Contradiction, Extravagance, D'Amarige, Vanessa, իսկ տղամարդկանց դուր կգան Tommy, L'Eua D'Issey, Eternity, Dune:

ԱՂԵՂՆԱՎՈՐՆԵՐ

Գրեթե բոլոր Աղեղնավորները լավատես են: Նրանց տարերքը կրակն է եւ օգնում է նրանց իդելաներ փնտրել: Աշխարհի եւ մարդկանց հանդեպ դրական տրամադրվածության շնորհիվ նրանք շատ ընկերներ ունեն: Գերբերաների փունջը կշարժի նրանց սրտի նուրբ լարերը, իսկ նարդոսի, ցիտրուսայինների եւ մամուռի բույրերը Աղեղնավորների վրա կենաց ջրին հավասար ազդեցություն ունեն: Նրանց չափազանց դուր կգա ոչ ավանդական ուրվագծերով սրվակ թագավորական կապույտ կամ կրակի պես կարմիր փաթեթում: Կին-Աղեղնավորներին խորհուրդ են տրվում հետեւյալ օծանելիքները՝ L.B.de Ricci, Sculpture, S.Jacomo, Champs Elysees, իսկ տղամարդկանց՝ աստղերը խորհուրդ են տալիս օգտագործել Escape, One, Bulgari, Dolce & Gabbana:

ԱՅԾԵՂՋՅՈՒՐՆԵՐ

Կենդանակերպի այս նշանի մարդկանց համար մեծ նշանակություն ունեն ավանդույթները, օրենքը եւ ավանդույթները: Այծեղջյուրները գերադասում են կամելիաները: Նրանց դուր են գալիս ծխախոտի եւ կաշվի նրբերանգներ պարունակող բույրերը: Մամուռի հագեցված հոտը, փայտի եւ դեղաբույսերի բուրմունքը խթանում են նրանց ուշադրությունը: Նվիրեք նրանց թարմ բույրով եւ ծաղիկի կամ մրգերի նրբերանգներով օծանելիք՝ մուգ կապույտ կամ մուգ կանաչ փաթեթում: Կանանց դուր կգան այնպիսի պարֆյումներ, ինչպիսիք են Ocean Dream, Organza, Dolce Una, Rocco Barocco Silver, իսկ տղամարդկանց կարելի է նվիրել Hugo, Yatagan, Havana, Green Jens:

ՋՐՀՈՍՆԵՐ

Ջրհոսները բացառապես բարձր են գնահատում ազատության եւ անկախության զգացումը: Նրանք միշտ նորույթներ են փնտրում եւ ձգտում են կանխատեսել ապագան: Հակում ունեն նրբաճաշակ ծաղկի բույրի, ատկապես վարդի եւ նարնջի հանդեպ: Այս բույրերը նրանց ե'ւ ոգեշնչում են, ե'ւ հանգստացնում: Ցանկալի է, որպեսզի որպես նվեր Ջրհոսները ստանան սառը կապույտ, արծաթագույն երանգներով փաթեթով օծանելիք: Կանաք բարձր կգնահատեն հետեւյալ բույրերը՝ Anais Anais, 1881-Cerruti, XS, Oh Lala, իսկ տղամարդիկ՝ Kenzo, Polo Sport, Opium, Roma Uomo:

ՁԿՆԵՐ

Չնայած նրան, որ Ջկները չափազանց նրբազգաց են, նրանք ընդունակ են նաեւ աշխույժ գործողությունների, որոնք թույլ են տալիս նրանց հաղթահարել բոլոր անախորժությունները: Ձկները ենթագիտակցաբար կապված են շաւշանների եւ խոլորձի հետ: Նրանց գեղեցկության զգացումը արտահայտվում է հազվագյուտ ծաղիկների եւ մամուռի բույրի միջոցով: Պատկառուկի բույրը ոգեշնչում է Ձկներին եւ հզորացնում է մտերիմների հետ կապը: Մամուռի ծանր բույրը նրանց մոտ քնքշությունն երեւկայությունն են զարգացնում: Ձկներին կարելի է հաճույք պատճառել՝ նրանց նուրբ ուրվագծով ու պաստելային փաթեթով սրվակ նվիրելով: ԱՍտղերը խորհուրդ են տալիս կանանց հետեյալ բույրերը՝ Champs Elysees, Roma, Jungle, Diva, իսկ տղամարդկանց հաստատ դուր կգան Fahrenheit, Sculpture, One Men Show, Minotaure օծանելիքները:



© NEWS.am STYLE