Միխայիլ Եֆրեմովը տնային կալանքի տակ կմնա մինչեւ հունվարի 22-ը
20:11 30 հուլիսի, 2020Մոսկվայի դատարանը դերասան Միխայիլ Եֆրեմովի տնային կալանքի ժամկետը երկարացրել է մինչեւ 2021թ.-ի հունվարի 22-ը։ Դերսանը մեղադրվում է մահվան ելքով վթարի գործով։ Փաստաբան Ալեքսանդր Դոբրովինսկին այս որոշումն ադեկվատ է համարել։
Դատարանի մամուլի ծառայությունից հայտնել են, որ տնային կալանքի ժամկետը վեց ամսով երկարացվել է քրեական գործը դատարան մուտք լինելու պահից։ Նախորդ ժամկետը լրանում էր օգոստոսի 9-ին։
Բացի այդ՝ դատարանը մերժել է դերասանին երկուժամյա զբոսանքներ թույլատրել, նշել է Դոբրովինսկին։ «ՏԱՍՍ»-ին դատարանում հայտնել են, որ Միխայիլ Եֆրեմովի գործի ըստ էության քննության առաջին նիստը նշանակված է օգոստոսի 5-ին։
Լուսանկարը՝ Ստանիսլավ Կրասիլնիկով, «ՏԱՍՍ»