Ալլա Պուգաչովայի համերգային տնօրենը մեկնաբանել է Գալկինի հետ նրա ապահարզանի մասին լուրերը
17:06 1 օգոստոսի, 2020Ալլա Պուգաչովայի համերգային տնօրեն Ելենա Չուպրակովան մեկնաբանել է ԶԼՄ-ներում հայտնված երգչուհու եւ իր ամուսնու՝ հեռուստահաղորդավար Մաքսիմ Գալկինի հետ ապահարզանի մասին լուրերը: Այս մասին հայտնում է Daily Storm-ը։
Ավելի վաղ տարբեր պարբերականներում տեղեկություն էր հայտնվել, որ Պուգաչովան իբր թողել է ամուսնուն, իսկ Գալկինը սառն ու անտարբեր է դարձել իր կնոջ նկատմամբ:
Ինչպես պարբերականին ասել է երգչուհու տնօրեն Ելենա Չուպրակովան, աստղային զույգի ամուսնալուծության մասին տեղեկություններին չարժե հավատալ: «Նման բան չի եղել եւ չկա», - ասել է նա:
Ալլա Պուգաչովան եւ Մաքսիմ Գալկինը ամուսնացած են 2011թ․-ից, նրանք ունեն երկու երեխա՝ Լիզան եւ Գարին: Հաղորդավարի համար սա առաջին ամուսնությունն է, երգչուհու համար՝ 5 - րդը։