5 սերիալ, որոնք առաջարկում ենք դիտել ամենահետաքրքրասերներին
21:25 3 օգոստոսի, 2020Ինտրիգներ, սուտ, խճճված հարաբերություններ, խորհրդավոր միջադեպեր... Եթե դուք էլ եք նման պատմությունների սիրահար, ապա մեր անդրադարձը ձեզ համար է:
NEWS.am STYLE-ը վերհիշել է 5 հեռուստասերիալ, որոնք կստիպեն ձեզ ակամայից դառնալ հետախույզներ, եւ վստահ կարելի է ասել` կբավարարեն ձեր հետաքրքրասիրությունը: Եթե պատրաստ եք, ուրեմն` ճանապարհորդենք միասին ու փորձենք տվյալ սերիալների հերոսների հետ միասին բացահայտել չարագործներին:
«Փոքրիկ խաբեբաները»/Pretty Little Liars
Ֆիլմը 5 ընկերուհիների մասին է, որոնցից մեկի խորհրդավոր անհետացումից հետո մյուս աղջիկները, պարբերաբար, սկսում են սարսափելի հաղորդագրություններ ստանալ ոմն «Ա»-ից:
«Ռիվերդեյլ»/Riverdale
Ռիվերդեյլ փոքրիկ քաղաքում թվում է, թե բոլորը միմյանց շատ լավ ճանաչում են, բայց ժամանակի ընթացքում այնտեղ տեղի են ունենում սարսափելի իրադարձություններ, որոնց արդյունքում քաղաքի ավագ դպրոցի սաները հասկանում են, որ, նույնիսկ, սեփական ծնողներից պետք է զգուշանան:
«Էլիտա»/Elita
Երբ տարբեր խավերի աշակերտներ սովորում են իսպանական հայտնի դպրոցներից մեկում, այնտեղ սկսում են տեղի ունենալ իտրիգային պատմություններ, ընդհուպ մինչեւ սպանություն:
«Դու»/You
Ֆիլմի հերոսն առաջին հայացքից սովորական երիտասարդ է, երբեմն` չափից դուրս բարի եւ հոգատար, բայց երբ նա սիրահարվում է, բացահայտում է իր չափազանց հոգատարության սեւ կողմերը...
«Ինչո՞ւ են կանայք սպանում»/Why Women Kill
Սերիալը տարբեր ժամանակաշրջաններում ապրող կանանց մասին է, որոնք լավագույնս հոգ են տանում իրենց սիրելի ամուսինների մասին, սակայն կան բաներ, որ, նույնիսկ, նրանք չեն կարողանում ներել...