Ինչպիսին են լինում սնուցող դիմակները

Դիմակները մաշկը սնուցելու, խոնավեցնելու, մաքրելու նախկին տեսքը վերականգնելու հիանալի միջոցներ են։ Սակայն դրանք կարող են դրական ազդեցություն ունենալ միայն ճիշտ օգտագործման դեպքում, երբ դիմակները կիրառվում են մաշկի տեսակին համապատասխան։ Ձեր ուշադրությանն ենք ներկայանում սնուցող դիմակների մի քանի տարբերակներ։

1) 30մլ. լոլիկի հյութը հարկավոր է խառնել 1 ճաշի գդալ վարսակի ալյուրով; Դիմակը 20 րոպե դեմքին թողնելուց հետո պետք է լվանալ սառը ջրով։

2) Լոլիկը անհրաժեշտ է քերիչով անցկացնել, ավելացնել կես դեղնուց, մի քիչ ալյուր եւ օսլա։ Միատարր զանգված ստանալուց հետո դիմակը կարելի է քսել դեմքին։ 20 րոպե անց հարկավոր է հեռացնել դիմակը։

3) 15գր. խմորիչը պետք է խառնել կիտրոնի հյութով եւ թանձր զանգված ստանալ։ 20 րոպե անց բամբակի օգնությամբ կարելի է մաքրել դիմակը։

4) 1 ճաշի գդալ կեֆիրը անհրաժեշտ է խառնել նույնքան կաթնաշոռով եւ ավելացնել մի պտղունց աղ։ Այս դիմակը պետք է թողնել 15 րոպե եւ լվանալ տաք ջրով։

5) Մեկ միջին չափի խնձորը հարկավոր է քերիչով անցկացնել եւ ստացված խյուսը քսել դեմքին։ 20 րոպե հետո դիմակը կարելի է մաքրել սառը ջրով։

6) 2 ճաշի գդալ խոտաբույսը (տերեփուկ, արեւքուրիկ, երիցուկ, կալենդուլա) անհրաժեշտ է լցնել 500մլ. տաք ջրի մեջ եւ 15 րոպե եռացնել լուծույթը, իսկ հետո քամել թուրմը։ Այնուհետեւ տաք խյուսը պետք է քսել դեմքին, իսկ 20 րոպե անց լվանալ ստացված թուրմով։

Աղբյուրը՝ Otvetin