Քարդի Բին պատասխանել է երկրպագուներին, որոնք պահանջում են նրա տեսահոլովակից ջնջել Քայլի Ջեններին

Օրերս Քարդի Բին թողարկել է Megan Thee Stallion-ի հետ համատեղ «WAP» երգի հիման վրա նկարահանված տեսահոլովակը։ Բացի ռեփ կատարողներից՝ կադրում հայտնում են նաեւ այլ աստղեր՝ բլոգեր եւ ձեռնարկատեր Քայլի Ջենները, երգչուհի Ռոզալիան, մոդել եւ դերասանուհի Ռուբի Ռոուզը, երգչուհի Normani-ն, ռեփերներ Sukihana-ն եւ Mulatto-ն։ Երգչուհիների երկրպագուներին զայրացրել է, որ հոլովակում հայտնվել է Քիմ Քարդաշյանի կրստեր քույրը։

Օրերս Change.org կայքում պետիցիա է հայտնվել, որը պահանջում է ջնջել Քայլիի մասնակցությամբ բոլոր տեսարանները կամ առհասարակ տեսանյութը։ «Այն իդեալական էր մինչ այն պահը, երբ մենք տեսանք Ջեններին։ Ուզում էի նետել հեռախոսս»,- մեկնաբանել է երկրպագուներից մեկը։

Դրանից հետո Քարդի Բին Twitter-ում հրապարակումներ է արել ի աջակցություն Քայլիի։ Քարդին մի քանի հրապարակմամբ պարզաբանել է, թե ինչու է Քայլին տեսահոլովակում դեր ստացել։ «Ինչո՞ւ եմ Քայլիին նկարահանել իմ երաժշտական տեսահոլովակում։ Նա այնքան լավ էր վերաբերում իմ քրոջն ու դստերը նրա մանկակն տոնի ընթացքում։ Թրեւսին ու Սեթը (Քարդի Բիի ամուսինը) շատ մտերիմ են, Քրիս Ջեններն ինձ որոշ հարցերում խորհուրդներ է տալիս, որոնք հարցնում եմ, եւ նրա ամուսինը շատ գոհ է իմից»,- գրել է Քարդին։ Միայն թե հրապարակումների մեծ մասն այժմ արդեն ջնջված են։ Նախկինում պարզաբանելով երաժշտական հոլովակի կոնցեպտը՝ Քարդի Բին նշել է, որ տեսահոլովակում ներառել է աղջիկների, որոնք ոգեշնչում են իրեն։