Նշվել են դաջվածք անելու աշխարհի լավագույն վայրերը
17:18 31 օգոստոսի, 2013Բրիտանական զբոսաշրջային մի ընկերություն որոշ ուղղությունների հատուկ ցուցակ է կազմել: Դրանում ընդգրկվել են այն վայրերը, որտեղ զբոսաշրջիկները կարող են գտնել դաջվածքի լավագույն վարպետներին: DearTravel.ru կայքն այն ներկայացրել է բավական կրճատված տարբերակով:
Դաջվածք անել ցանկացողների համար առաջին տասնյակում հետեւյալ ուղղություններն են.
- Վան Բրանգ Պրա տաճար, Թայլանդ;
- Ֆեսի շուկաներ, Մարոկկո;
- Մայամի, ԱՄՆ;
- Թաիթի կղզի, Ֆրանսիական Պոլինեզիա;
- Նոր Զելանդիայի Հյուսիսային կղզի;
- Յոկոգամայի դաջվածքի թանգարան, Ճապոնիա;
- Հնդկաստանի մայրաքաղաք Դելի;
- աշխարհի խոշորագույն դաջվածքի շոու, Լաս Վեգաս, ԱՄՆ;
- դաջվածքի վարպետների լոնդոնյան համագումար, Մեծ Բրիտանիա;
- Ամստերդամի դաջվածքի թանգարան, Նիդեռլանդներ:
Եվ այսպես, եթե չեք վստահում տեղական վարպետներին եւ ցանկանում եք, որպեսզի ձեր դաջվածքն արվի անվանի մասնագետի կողմից, ապա ստիպված կլինեք գումար ծախսել տոմսի, կեցության եւ առաջարկվող վայրերից մեկում դաջվածք անելու համար: