«Աստված ինչ-որ բան է ասում ինձ». Ռեգինա Տոդորենկոյի ամուսինը վթարի է ենթարկվել
17:01 18 օգոստոսի, 2020Երգիչ Վլադ Տոպալովն անձնական բլոգում հայտնել է, որ առավոտն իր համար այնքան էլ հաջող չի սկսվել։ Հաղորդավարուհի Ռեգինա Տոդորենկոյի ամուսինը վթարի է ենթարկվել։
Արտիստը չի տուժել, սակայն տրամադրությունը փչացել է։ Երաժիշտը նշել է, որ կյանքը հետաքրքիր երեւույթ է, եւ տարիների ընթացքում սկսում ես ավելի հեշտ վերաբերել անախորժություններին։
Երգիչը վստահ է՝ վթարը տեղի է ունեցել, քանի որ այդպես էր հարկավոր։ «Աստված ինչ-որ բան է ասում ինձ»,- գրել է Վլադ Տոպալովը։
Նա բոլորին համբերություն ու հանգստություն է մաղթել։ Իսկ երկրպագուները ենթադրել են, որ վթարն աստղին փրկել է առավել լուրջ ապրումներից։
Աղբյուրը՝ Dni.ru