Նատալյա Օրեյրոն, որն, ի դեպ, շուտով Ռուսաստանի քաղաքացի կդառնա, երկար ժամանակվա ընթացքում առաջին անգամ հրապարակել է ամուսնու՝ Ռիկարդո Մոլոյի լուսանկարը։ 43-ամյա դերասանուհին սոցիալական ցանցերում հազվադեպ է ընտանեկան լուսանկարներ հրապարակում, սակայն ամուսնու ծննդյան օրվա առիթով բացառություն է արել։
«Վայրի հրեշտակ» սերիալի աստղը սիրելիի հետ, որը նշում է 63-ամյակը, մի քանի սելֆի է հրապարակել։ «Շնորհավոր իմ սիրելի մարդու ծննդյան օրը»,- լուսանկարը մակագրել է Օրեյրոն։
Նատալյա Օրեյրոն եւ Ռիկարդո Մոլոն ծանոթացել են 2001թ.-ի նոյեմբերին յոգայով զբաղվելու ընթացքում։ Արդեն մեկ ամիս անց նրանք ամուսնացել են։
Այդ ժամանակվանից ի վեր զույգը միասին է ապրում։ 2012թ.-ի հունվարին Բուենոս Այրեսի կլինիկաներից մեկում ծնվել է նրանց որդին՝ Մերլինը։ Ռիկարդոն «Divididos» ռոք խմբի առաջնորդն է։ Զույգն այս տարվա ավարտին պատրաստվում է տոնել ամուսնության 19-ամյակը։
Աղբյուրը եւ լուսանկարները՝ Instagram, Spletnik, «ՏԱՍՍ»