Քորթնի Քարդաշյանը պատմել է իր դիետայի եւ հինգ առողջ սովորությունների մասին․ «Պարբերականությունը հաջողության գրավականն է»
23:06 20 օգոստոսի, 202041-ամյա Քորթնի Քարդաշյանը մեծ ուշադրություն է դարձնում իր poosh.com կայքին, որտեղ երկրպագուների հետ կիսվում է ապրելակերպի, սննդի, հարաբերությունների եւ այլ թեմաների մասին։ Այս շաբաթ Քարդաշյան-Ջեներ քույրերից ավագը համացանցում հրապարակել է բլոգեր եւ քոուչ Նիյազի (@unspokennutrition) խորհուրդները, որոնց նա հետեւում է։
«Երբ խոսքը վերաբերում է դիետայի պահպանմանը, պարբերականությունը հաջողության բանալին է։ @Unspokennutrition-ի հինգ խորամանկությունները առողջ սնվելու ճանապարհին հաջողության հասնելու համար են», - գրել է Քորթնին Instagram-ում։
Քիմ Քարդաշյանի քույրը խոստովանել է, որ այդ խորհուրդները նրան օգնում են պահպանել լավ ինքնազգացողությունն ու բարեկազմությունը։ Առաջին հերթին նա բոլորին խորհուրդ է տալիս իրագործելի նպատակ դնել՝ ազնվորեն գնահատելով ձեր հնարավորությունները։ Եվ հետո սկսել առողջ փոքրիկ սովորությունների ձեւավորմանը։
«Դեպի ձեր նպատակը գնացեք փոքր քայլերով, այդպիսով դուք հետեւողական կլինեք», — խորհուրդ են տալիս Քորթնին եւ Նիյազը:
Դատելով Քարդաշյանի խորհուրդներից՝ նա նախաճաշը երբեք բաց չի թողնում եւ նրան համարում է ամբողջ օրվա ընթացքում սննդի ամենակարեւոր ընդունումը: Poosh-ի կայքում Քորթնին խորհուրդ է տալիս նախապես կազմված ցուցակով մթերքներ գնել, սնունդ պատրաստել ինքնուրույն եւ ավելի շատ ամբողջական սնունդ ուտել: Քորթնին եւ նրա ամբողջ ընտանիքը հավատարիմ են կետոդիետաներին՝ նախապատվությունը տալով օրգանական մթերքներին։ Առավոտյան ամենօրյա մարզումից հետո Քարդաշյանն արդեն հինգ տարի ավոկադոյից պուդինգ է ուտում։
Աղբյուրը՝ Spletnik