Շարունակում են աշխատել հարաբերությունների վրա․ Քիմ Քարդաշյանն ու Քանյե Ուեսթը հանգստանում եմ միասին

Քիմ Քարդաշյանի ու Քանյե Ուեթսի հարաբերություններում ամեն ինչ այնքան էլ հարթ չէ։ Նրանք շարունակում են աշխատել հարաբերությունների վրա։ Զույգը միասին հանգստացել է Դոմինիկյան Հանրապետությունում, որտեղից վերադառնալիս հանգստյան օրերն անց է կացրել Կոլորադոյում։

39-ամյա հեռուստաաստղը նոր լուսանկարներ է հրապարակել, որոնցից երկուսում ավագ դստեր՝ Նորթի հետ է։ Կադրերից մեկում Քիմը պատկերված է ամուսնու՝ ռեփեր եւ դիզայներ Քանյե Ուեսթի եւ ավագ քրոջ՝ Քորթնիի հետ։

Աստղը կրում է մարմինն ընդգծող սպորտային հագուստ, ինչն էլ հաջողությամբ համադրվել է Yeezy Mafia-ի նոր մոդելի մարզակոշիկների հետ, որը ստացել է «Ararat» անվանումը՝ ի պատիվ Հայաստանի գլխավոր խորհրդանիշ Արարատ լեռան։ Ի դեպ Քանյեն նույնպես կրում է այդ սպորտային կոշիկները, որոնք թողարկվել են ամիսներ առաջ եւ հաճելի անակնկալ են եղել զույգի հայ երկրպագուների համար։