Պարզվել է, որ Փիթի 27-ամյա ընկերուհին ամուսնացած է
20:04 31 օգոստոսի, 2020Գերմանացի 27-ամյա մոդել Նիկոլ Պոտուրալսկին, որին նկատել են 56-ամյա հոլիվուդյան դերասան Բրեդ Փիթի հետ, ամուսնացած է։ Այս մասին գրում է Daily Mail-ը։
Մոդելի շրջապատի աղբյուրը բացատրել է, որ Պոտուրալսկին եւ նրա ամուսինը՝ 68-ամյա Ռոլանդ Մերին, բաց հարաբերությունների կողմնակից են:
Նշվում է, որ մոդելը Փիթի հետ ծանոթացել է 2019թ․-ի օգոստոսին իր ամուսնուն պատկանող «Բորխարդտ» ռեստորանում։ Ռեստորանի սեփականատիրոջ հետ դերասանը առաջին անգամ հանդիպել է 2009 թվականին, երբ նկարահանվել է Գերմանիայում Քվենտին Տարանտինոյի «Անփառունակ սրիկաներ» ֆիլմում։
Օգոստոսի 27-ին հայտնի է դարձել, որ Փիթը սկսել է հանդիպել Պոտուրալսկիի հետ։ Մոդելը դերասանի հետ մեկնել է Ֆրանսիայի հարավ։ Լրագրողները մոդելին անվանել են նրա նախկին կնոջ՝ Անջելինա Ջոլիի կրկնօրինակը։ Հաղորդվում էր, որ նա երեխա ունի։
Աղբյուրը՝ Lenta.ru