Նիկաս Սաֆրոնովի 29-ամյա որդին՝ ռուս դաշնակահար Լուկա Զատրավկինը, «Մոսկովսկի կոմսոմոլեց»-ի հետ զրույցում բողոքել է վնասվածքներից, որոնք ստացել է թուրքական Բելեկ քաղաքի հյուրանոցներից մեկում հանգստի ընթացքում։
Երաժիշտը պարբերականին պատմել է, որ նետվել է մանկական լողավազանը՝ այն շփոթելով մեծերի լողավազայնի հետ եւ չի նկատել, որ այն ծանծաղ է։ «Ես ամբողջ ուժով վազեցի, թռա ու ծնկներով ընկա լողավազանը, որը հետո ճաքեց։ Մաշկը ծովում արագ է ապաքինվում, հույս ունեմ, որ եւս երկու, երեք օրից ավելի լավ կլինի»,- նշել է Զատրավկինը՝ հավելելով, որ արդյունքում լողավազանը փակել են վերանորոգման նպատակով։
Զատրավկինի խոսքով՝ նման միջադեպեր իր հետ հաճախ են տեղի ունենում, ինչի համար իրեն սիրում են ու հարգում։ «Պարզվեց՝ լողավազանում լողալն ինձ համար վնասվածքների առումով վտանգավոր սպորտ է»,- հավելել է Լուկան։