Սոբչակը Պրիգոժինին անվանել է «մանկապիղծ մոլագար». պատճառը պրոդյուսերի արխիվային լուսանկարն է
22:18 23 սեպտեմբերի, 2020Հեռուստահաղորդավարուհի Քսենյա Սոբչակն արձագանքել է արխիվային լուսանկարին, որը սոցիալական ցանցում հրապարակել է պրոդյուսեր Իոսիֆ Պրիգոժինը։ Լուսանկարում փարթամ մազով եւ բեղերով երիտասարդը լրջորեն նայում է տեսախցիկին: Պրիգոժինը առաջարկել է գուշակել, թե քանի տարեկան է նա լուսանկարում։
Որոշ հետեւորդներ ենթադրել են, որ այդ լուսանկարն արվել է անձնագրի համար: Պարզվել է, որ լուսանկարում ապագա պրոդյուսերը 15 տարեկան է, իսկ կադրն արվել է քաղաքացու առաջին փաստաթուղթը ստանալուց առաջ, հաղորդում է MK.RU-ն։
Սակայն հաղորդավարուհի Քսենիա Սոբչակը կատակել է, որ եթե երիտասարդ տարիքում հանդիպեր նման Պրիգոժինին, ապա հաստատ կվախենար եւ ոստիկանություն կկանչեր․ «Մտածեցի ինչ-որ մանկապիղծ մոլագար է»։
Իոսիֆ Պրիգոժինը ռուս գործարար է, պրոդյուսեր, համերգների եւ երաժշտական փառատոնների կազմակերպիչ: Երգչուհի Վալերիայի ամուսինն ու համատեղության կարգով պրոդյուսերը։ 2017 թվականից «Ավտո +» հեռուստաալիքի գլխավոր տնօրենն է: «Տարվա պրոդյուսեր» անվանակարգում «Օվացիա» մրցանակի դափնեկիր, «Տասնամյակի լավագույն պրոդյուսեր»՝ (2019) ըստ «Муз-ТВ»-ի: