«Արցախը Հայաստան է». բելգիահայ երգչուհի KeyOh-ի կոչին տեսաուղերձով միացել են տարբեր երկրների ներկայացուցիչներ
18:34 3 հոկտեմբերի, 2020Արցախում տիրող ադրբեջանական հարձակումներն անտարբեր չեն թողել ոչ մի հայի, այդ թվում` բելգիագայ հայտնի երգչուհի KeyOh-ին (Կարինե Օհանյան), որն իր օտարազգի ընկերների հետ, ի աջակցություն Արցախի ու Հայաստանի, հանդես է եկել տեսաուղերձով: «Արցախը Հայաստան է»` տարբեր լեզուներով հղում են տարբեր երկրների ներկայացուցիչները:
View this post on Instagram
«Արցախը Հայաստան է. միշտ է եղել ու կլինի: Թողեք ապրենք խաղաղության մեջ, քանի որ մենք պատերազմ չենք ուզում:
Մեր երկրի վրա հարձակում է եղել սեպտեմբերի 27-ին, իսկ ձեզանից շատերն այսքան օր լռել են դրա մասին, բայց հիմա էլ չեք կարող ասել, թե չգիտեք` ինչ է տեղի ունենում:
Մեզ վրա հարձակվել են մի խաղաղ գիշերվա ընթացքում, ինչպե՞ս կարող է սա ձեզ համար նորմալ լինել:
Ես այնքան շնորհակալ եմ բոլոր նրանց, ովքեր այսօր կանգնած են Հայաստանի կողքին` կապ չունի, թե որտեղից եք ու ինչ կրոն եք դավանում: Մենք բոլորս էլ մարդ ենք, եւ որպես մարդիկ` շատ լավ տեսնում ենք` ինչն է սխալ, ինչը` ճիշտ:
Վարվեք ճիշտ ու լուսավորեք բոլորին: Վերջ տանք ահաբեկչությանը, վերջ տանք պատերազմին, վերջ տանք վայրագությանն ու ազգասպանությանը»,-գրել է երգչուհին` անգլերենով օգտագործելով «հաղթելու ենք» հեշթեգը: