Արցախում ծանր վիրավորում ստացած դերասան Վահագն Սամվելյանը, որը հեռուստադիտողին առավել հայտնի է «Վերջին ուսուցիչը» սերիալից, արթնացել է արհեստական կոմայից եւ իրեն անհամեմատ լավ է զգում:
Այս մասին NEWS.am STYLE-ին հայտնել է նրա մոտ ընկերը` Ստանիսլավսկու անվան թատրոնի դերասան Գրիգոր Խոջայանը` հավելելով. «Վահագը արհեստական կոմայի մեջ մեկ շաբաթ է մնացել: Հիմա արդեն իրեն լավ է զգում, վերականգնողական պրոցեսի մեջ է, բայց դեռ երկարատեւ բուժում ունի անցնելու. շատ-շատ դժվարություններ կան առջեւում»:
Դերասանի ընկերը չցանկացավ խոսել նրա ստացած վիրավորումի մասին, բայց նաեւ փոխանցեց Վահագնի շնորհակալական խոսքն իր մասին անհանգստացող մարդկանց. «Իր մասին անհանգստացող մարդկանց շատ շնորհակալ է ու փոխանցում է, որ բոլորին շատ սիրում է»:
Սյունե Առաքելյան