Աշխարհահռչակ ջութակահար Սերգեյ Խաչատրյանը «Լա Սկալա»- ում իր համերգի հոնորարը փոխանցել է Արցախի երեխաների օգնության հիմնադրամին
12:39 19 հոկտեմբերի, 2020Հայազգի աշխարհահռչակ ջութակահար Սերգեյ Խաչատրյանը «Լա Սկալա»- ում կայացած իր համերգի հոնորարը փոխանցել է Արցախի երեխաների օգնության հիմնադրամին։ Այս մասին, վկայակոչելով Հայկական ասամբլեային, հայտնում է Հայաստանի ազգային ֆիլհարմոնիկ նվագախմբի ֆեյսբուքյան էջը։
«Վերակառուցելով վայրեր, հույս եւ հոգիներ։ Հայազգի աշխարհահռչակ ջութակահար #Սերգեյ_Խաչատրյանը «Լա Սկալա»- ում կայացած իր համերգի հոնորարը փոխանցել է Արցախի երեխաների օգնության հիմնադրամին՝ միանալով Հայկական ասամբլեայի մարդասիրական նախաձեռնությանը:
Համերգը տեղի է ունեցել հոկտեմբերի 11-ին Միլանի հայտնի «Լա Սկալա» օպերային թատրոնում՝ Filarmonica della Scala-ի հետ համատեղ։ Ծրագրում հնչել է Բեթհովենի Եռակի կոնցերտը։
Սերգեյ Խաչատրյան, ջութակ
Էնրիկո Դինդո, թավջութակ
Դիրիժոր՝ Մյունգ-Վուն Չունգ»,- նշված է էջում։