«Արթնացիր, աշխարհ։ Հայաստանը պայքարում է գլոբալ ահաբեկչության դեմ». Հրուշ Աճեմյան
12:59 21 հոկտեմբերի, 2020Հայազգի հայտնի վիզաժիստ Հրուշ Աճեմյանը շարունակում է հետեւորդներին տեղեկացնել Արցախում ծավալվող իրադարձությունների մասին։
Հրուշը, որն օրեր առաջ հայտնել էր Արցախում ազգականի զոհվելու մասին եւ նշել, որ թուրքերից ու ազերիներից ստացած սպառնալիքներն իրեն երբեք չեն լռեցնի, Instagram-յան էջում մի քանի հրապարակում է արել։
Վիզաժիստը, որը մտերիմ հարաբերություններ ունի Քիմ Քարդաշյանի հետ, կիսվել է օգտատերերից մեկի տեսանյութով, որում խոսվում է այն մասին, որ Հայաստանը պայքարում է ահաբեկչության դեմ։ «Արթնացիր, աշխարհ։ Հայաստանը պայքարում է գլոբալ ահաբեկչության դեմ»,- գրել է Հրուշը՝ օգտագործելով «Հայաստան», «Արցախն ուժեղ է» հեշթեգերը։