Հայաստանին ու Արցախին աջակցելու համար. Քիմ Քարդաշյանի հրապարակումը նախաձեռության մասին
14:26 17 նոյեմբերի, 2020Հայաստանի ու Արցախի համար ծանր օրերին հեռուստաստղ Քիմ Քարդաշյանը շարունակում է աջակցել հայրենիքին։
Հայուհին, որը միայն Instagram-ում 191 մլն լսարան ունի, Stories բաժնում պատմել է զարդի մասին, որի վաճառքի հասույթն ուղղվելու է համահայկական հիմնադրամին։ «Նռներով թեւնոցներ՝ Հայաստանին ու Արցախին աջակցելու համար։ Ամբողջ եկամուտն ուղղվում է «Հայաստան» համահայկական հիմնադրամին»,- գրել է նա։
Ի դեպ, դեռ հոկտեմբերին Քիմ Քարդաշյանը հայտնել էր հիմնադրամին մեկ միլիոն դոլար փոխանցելու մտադրության մասին եւ հետեւորդներին կոչ արել հետեւել իր օրինակին։