«Ազնավուրը Շառլի աչքերով». «Ոսկե ծիրան»-ի շրջանակներում տեղի կունենա կունենա Մարկ դի Դոմենիկոյի ֆիլմի ցուցադրությունը
15:11 20 նոյեմբերի, 2020Երեւանի «Ոսկե ծիրան» 17-րդ միջազգային կինոփառատոնի «Աջակցություն կինոթատրոններին» ծրագրի շրջանակներում նոյեմբերի 23-ին տեղի կունենա Մարկ դի Դոմենիկոյի «Ազնավուրը Շառլի աչքերով» ֆիլմի ցուցադրությունը։
Ֆիլմը նկարահնավել է Ֆրանսիայում, տեւողությունը 75 րոպե է, լեզուն՝ ֆրանսերեն
ենթագրեր՝ անգլերեն, հայերեն։ Այն կցուցադրվի «Սինեմա սթար» կինոթատրոնում։
1948-ին Էդիթ Պիաֆից իր առաջին տեսախցիկը ստանալուց հետո տեսագրությունը դարձավ Շառլ Ազնավուրի ամենօրյա կյանքի մասը: Երգիչը տեսաօրագիր էր պահում, որտեղ նկարահանում էր իր կյանքի կարեւոր պահերը, ուղեւորությունները, համերգները, սիրեցյալներին եւ ընկերներին: Մահից առաջ նա ցանկություն հայտնեց այդ նյութերից ֆիլմ ստեղծել: Իրականացնելով Ազնավուրի ցանկությունը՝ Մարկ դի Դոմենիկոն մուտք գործեց Ազնավուրի անձնական պահոցները՝ ինքը եւս երեք տարի շարունակ նկարահանելով երգչին: