280 հազար եվրո արժողությամբ կտավը գտել են աղբարկղում
12:17 12 դեկտեմբերի, 2020Ավելի քան մեկ քառորդ միլիոն եվրո արժողությամբ նկարը հայտնաբերվել է Դյուսելդորֆի օդանավակայանում գտնվող աղբարկղում: Այս միջադեպի մասին հայտնում է The Independent-ը՝ վկայակոչելով տեղի ոստիկանությանը։
Ֆրանսիացի նկարիչ Իվ Թանգիի սյուրռեալիստական կտավը պատահաբար օդանավակայանում թողել է Իսրայել ուղեւորվող գործարարը: Սեփականատերը 280 հազար եվրո արժողությամբ արվեստի թանկարժեք գործը մոռացել է գրանցման պատուհանի մոտ, երբ նստել է դեպի Թել Ավիվ չվերթ իրականացնող ինքնաթիռ:
Այն ժամանակ, երբ նա վայրէջք է կատարել Իսրայելում եւ կապվել է գերմանական ոստիկանության հետ, նկարը, որը փաթաթված էր ստվարաթղթի մեջ, անհետացել է:
Ոստիկանության ներկայացուցիչն ասել է, որ իշխանությունները սկզբում չէին կարողանում գտնել արվեստի գործը, միայն երբ գործարարի զարմիկը ժամանել է օդանավակայան եւ դիմել իրավապահներին, տեսուչը, ի վերջո, հայտնաբերել է նկարը՝ օդանավակայանի աղբարկղերից մեկում:
Իվ Թանգին ֆրանսիացի սյուրռեալիստ նկարիչ է։ Նրա ստեղծագործության հիմնական թեման պատրանք բնանկարներն են։
Աղբյուրը՝ Lenta.ru