«Այսօր սեւ օր է․․․ ոչ ոք կանգնեց առաջին քրիստոնյա ազգի կողքին. Շեր

Արցախում եւ Հայաստանում տեղի ունեցող իրադարձություններին, մարտական գործողությունների դադարեցումից մեկ ամիս անց, արձագանքել է փոփ-դիվա Շերը՝ Շերիլին Սարգսյանը, ով Twitter-ի իր էջում անդրադարձել է հայ ժողովրդի ճակատագրին։

Armenia Is a Small Country With No Natural Resources To Steal.Turkey tried to destroy her..Killed 2million of her Ppl. Now Azerbaijan Is Trying 2 Destroy Her.They Have”Black Gold”Men KILL 4,Or Watch OTHERS Do the Killing.Russia Wants Her Land.Bless & Protect You,Home Of My Father pic.twitter.com/CCeC44Jx6J

— Cher (@cher) December 12, 2020

«Այսօր քրիստոնեության համար սեւ օր է։ Ոչ ոք կանգնեց առաջին քրիստոնյա ազգի կողքին, քանի որ այն ունի միայն մշակույթ եւ պատմություն՝ այլեւս արտահանելու բան չկա․․․ Շնորհակալություն մարդկությանը», - գրել է Շերը։

Շերիլին Սարգսյանն իր գրառման մեջ նշել է նաեւ, որ Հայաստանը փոքր երկիր է, որին Թուրքիան եւ Ադրբեջանը ցանկանում են ոչնչացնել․..

«Հայաստանը փոքր երկիր է, առանց հատուկ բնական ռեսուրսների, որոնք կարելի է գողանալ։  Թուրքիան փորձեց ոչնչացնել այն․․․ սպանեց 2 միլիոն մարդու։ Իսկ հիմա Ադրբեջանն է փորձում ոչնչացնել այն։ Նրանք ունեն «սեւ ոսկի», սպանելու կամ նայելու, թե ինչպես են ուրիշներն անում դա: Ռուսաստանը ցանկանում է իր հողը։ Աստված օրհնի եւ պահպանի իմ հոր տունը», - գրել է փոփ աստղը։